بنسمع دائما في الفيديوهات كلمة “مقاومة الأنسولين” و “حساسية الانسولين” بس عمر ما حد تفضل عليان وشرحلنا ايه معني الكلميتين دول .. وايه علاقتهم بمرض السكر والسمنه .. في المقال دي هعرفك كل دا وأكثر فتابع للاخر .. حيث اني ممكن اكون سبب في انقاذ حياتك او حياة حد عزيز عليك 

 

دكتور Gerald shulman وهو طبيب متخصص في مجال الغدد الصماء والهرمونات ورائد في مجال البحث العلمي في علاج مرض السكر .. في تجربة بحثيه عملها في جامعة yale university ، جاب فئران بيعانو من مقاومة انسولين ونقص في كمية الدهون بسبب عاومل جينيه، وقام حقنهم بخلايا دهنية جديده .. وفي لمح البصر الفئران دي تم شفائهم من مقاومة الأنسولين ومضاعفات بدايات مرض السكري .. طب ازاي دا حصل؟؟

 

بكل بساطه الخلايا الدهنية عامله زى رامات الكمبيوتر .. فهي تقدر تستوعب معلومات معينه بكميات معينه وتقدر تخزن سكر علي شكل دهون بقدر معين .. واي زيادة في المعلومات والمغيات بتسبب أخطأ وتراكمات مش في صالحنا وممكن تعطل وتوقع النظام بالكامل .. طب نحل المشكله دي ازاي؟؟ 

 

نزود من الرامات .. بدل ما الرامات كانت 4جيجا نزودها ل 8جيجا وفي لمح البصر كل المضاعفات من تراكمات البيانات والمعلومات هتتحل .. ودا الي عمله الدكتور في تجربته البحثيه علي الفئران دي  .. حيث انه حقن الفئران دي بخلايا دهنيه جديده .. وبالتالي اعطاهم مساحه جديده لتخزين السعرات والسكر العائم والمتراكم في مجري الدم ..حتي اذا كانت السكر دا هيخزن في الدهون المهم انه يتم تخزينه ..  وبالتالي نقل المغذيات دي الي الخلايا الدهنية عن طريق الانسولين بمساعدة نواقل السكر المعروفه بال GLUT transporters.. خصوصا الناقل رقم 4 واسمه GLUT4 ودا الي بينقل السكر من مجري الدم ويخزنه داخل الخلايا الدهنية والخلايا العضليه .. والناقل دا بيستجيب دائما لاشارات الانسولين الي بيتم تحفيز افرازه من البكنرياس عن طريق تناول المغذيات والسكر والمشكلة بتحصل لما ناقل السكر دا يفقد القدره علي استشعار اشارات الانسولين .. وناقل السكر دا بيكون متخزن داخل اغشية الخلايا ومجرد الانسولين يبدأ ينزل في مجري الدم بيتم نقل ال GLUT4 خارج جدران الخلايا بحيث ينتظر إشارات الانسولين ونقل ذرات الجلوكوز الي داخل الخلايا 

 

إذن دكتور شولمان قدر يعالج مشكلة مقاومة الأنسولين عن طريق انه جعل الفئران اتخن واسمن من الأول!! 

حيث انه زود رامات الجسم واعطي الجسم مساحه اكبر لتخزين السكر والمغذيات فيهم مع ان دا مش افضل حل لانك كده بتحل مشكله ولكن بتخلق مشكله تانيه وهي زيادة معدلات الدهون الثلاثية والكوليسترول في الجسم والدم ودا ممكن يسبب مشاكل في الضغط وتراكم للدهون في الاورده 

 

الخلايا الدهنية خصوصاً المتواجده تحت طبقة الجلد ، ليها حد معين في تخزين السكر علي شكل دهون داخلها .. وطبعا التخزين بيختلف من شخص الي اخر لاختلاف العوامل الجينية، ولما بنتعدي حد التخزين الطبيعي لتخزين السكر دا في الخلايا .. هيبقي عندنا فائض في سكر الدم ..  والسكر دا للاسف هيتم تخزينه في مكان تاني زي تخزينه في الكبد وتحويله الي دهون حشويه ..

 

الحل الوحيد في استهلاك السكر هو في حالة اننا استخدمنا السكر دا في بذل المجهود ..زي اننا نلعب رياضه .. نمشي .. نجري ..نشيل حديد .. المهم أننا نستهلك السكر الزائد دا في إنتاج الطاقة اللازمه لجعل العضلات تنبسط وتنقبض وفي تخليق ثلاثي ادينوسين الفوسفات .. وإلا السكر دا هيتحول الي جلايكوجين وهيتخزن اولا في الخلايا العضلية ومن ثم في الدهون.. 

 

والحقيقه ان الجلوكوز ملوش غير غرض وحيد في جسمك وهو أنه يكون مصدر للطاقة فقط .. في حين ان البروتينات والدهون ليهم اغراض اكبر واهم في الجسم زي تخليق الهرمونات الجنسية والاحماض النووية .. ولذلك عندنا دهون أساسية وبروتينات اساسيه الجسم ميقدرش يعيش من غيرهم .. ولكن مفيش عندنا نشويات اساسيه والجسم يقدر يعيش بدون نشويات بشكل طبيعي جدا .. وبالمناسبه العضلات ليها حد معين في تخزين الجليكوجين ومن ثم اي زيادات بتروح للخلايا الدهنية والعضلات بتفقد حساسيتها لإشارات الانسولين .. والمشكله بتبدأ بعد ما الخلايا الدهنية هي كمان تمتلئ وتفقد حساسيتها لاشارات الانسولين .. وللاسف حتي بعد ما تمتلئ بيكون لسه عندنا فائض من السكر في الجسم ملوش مكان نخزنه فيه ولا بنستهلكه في بذل اي مجهود لأننا مبنتحركش اصلا وقاعدين بنتفرج علي نتفلكس وبناكل طول اليوم.. والجسم لازم يلاقي مكان تاني غير الخلايا العضلية وغير الخلايا الدهنية في تخزين السكر .. طيب هيخزن الكلام دا كله فين ؟؟

 

في الكبد والكلي والبنكرياس والقلب والشرايين والأوردة للاسف ، وطبعا كل التراكمات دي خطأ حدوثها من الأساس لانها مش مكان مناسب لتخزين الدهون .. ومن هنا بيحصل عندنا متلازمة الآيض المعروفة ب metabolic syndrome .. طيب والحل ؟؟ 

 

الحل مش في انك تحقن نفسك بخلايا دهنيه اكيد .. ولكن نقدر نستبدل الدهون دي بالالياف العضلية الي بتقدر تخزن جلايكوجين بشكل قوي وبتقدر تزود من عمليات الآيض والحرق في جسمك وبتقدر تعلي من قدرة جسمك علي تمثيل واستعمال النشويات والتقاط المغذيات من مجري الدم .. الحل في انك تكون رياضي وتتحرك اكثر وتبني جسمك بشكل صحيح وتسترجع حساسية الأنسولين من تاني وتقلل من معدلات الالتهابات والاكسده عن طريق تناول الفيتامينات والمعادن الي بتقدر تعمل في الجسد كمضادات التهاب واكسده 

تحياتي ك محمد مصطفي