في هذا المقال هعرفك ازاي تحافظ علي الرغبة والقدرة الجنسية خلال سايكل الهرمون ، ولو امورك تمام فهعرفك ازاي تتفادي أن المشكلة دي تحصل ليك من الأساس .. بل بالعكس هخليك تاخد الرغبة والقدرة الي مستوي تاني خالص .. بالعربي هخليك تمتع بقوه 360حصان .. فتابع الفيديو بالكامل لان دا اهم شئ في حياتك كراجل 

 

مبدئياً كده لازم تفهم انك كراجل رغبتك الجنسية مش متعلقة بس بمقدار التستوستيرون الحر في جسمك بس.. وانما متعلقه اكثر بالبروتين الي بينقل التستوسترون الي الخلايا والاعضاء الي بنسميه ب SHBG ودا اختصارا الي sex hormone binding globulin .. وايضا متعلقة بالاستروجين تحديداً الاستراديول الي بيحفز الكبد علي تصنيع بروتينات النقل دي من الأساس .. وبيتدخل بشكل مباشر في تحديد جودة انتصابك كمان .. وفوق دا كله عندنا فالرغبة بتاعتك متعلق ايضا بهرمون البرولاكتن حيث انه بيقدر يقمع هرمون الدوبامين المسؤول عن انك تبدأ تفكر في العلاقات والبنات .. وزيادة علي دا فهي متعلق بهرمونات بنسميها neurosteroids زي ال DHEA وكمان pregnenolone ودي من أهم الهرمونات الي محدش بيديها اي اهتمام ومحدش أتكلم عنها قبل كده غيري .. لذلك فالموضوع كبير ومعتمد علي توازن ما بين كل الامور الي ذكرتها 

 

خلينا نمسك الكلام الي أنا قولته دا ونفصصه جزء جزء .. ايه هي اصلا بروتينات نقل الهرمونات الجنسية دي؟؟

هقولك ان هي دي العربيات الي بترتبط بالهرمونات وتنقلها علشان توصلها الي الخلايا علشان تعمل التأثير بتاعها.. ومن ضمن الخلايا دي هي الألياف العضلية.. والبروتينات دي بتنقل كل الهرمونات الجنسيه ومن ضمنها الآتي :

هرمون التستوسترون

هرمون الاستروجين

هرمون البروجسترون 

هرمون الديهيدرو تستوسترون 

وأيضا هرمونات ال neurosteroids زي :

 هرمون ال pregnenolone

هرمون ال DHEA

 

زي ما قولت الرغبة الجنسية معتمدة علي توازن ما بين الهرمونات دي وكل هرمون من الهرمونات الي ذكرتها دي بيرتبطو بال SHBG بتركيز مختلف عن التاني واعلي هرمونات بترتبط بالبروتينات دي هي الهرمونات المأخوذه من هرمون الديهيدرو تستوسترون زي الاتي :

هرمون الماسترون

هرمون الانفار

هرمون البروفيرون 

 

والبروفيرون تحديدا يعتبر اكثر هرمون بيقدر يرتبط مع بروتينات النقل .. فإنك تحطه بجرعات عاليه في اي سايكل ليك دا شئ مش صح ، وبيتم استخدامه علشان نقلل من مستويات ال SHBG لو كانت عاليه جدا .. لانها لو كانت عاليه جدا فمستويات التستوسترون الحر في الدم هتكون قليلة جدا .. لذلك فالحل بيكمن في توازن ما بين كل شئ 

 

والحقيقه ان مجرد استخدامك لاي هرمون بأي كمية هيقلل من تواجد بروتينات النقل دي ودا شئ طبيعي المهم انه ميتصفرش .. وأيضا المتعارف عليه في المجال انك لازم تحاول تصفر بروتينات النقل دي بحيث يبقي عندك تست حر في الدم بتركيز عالي .. وانما دا فعل خاطي جدا .. حيث ان البروتينات دي مش عدو ليك ومش بتعطل الهرمونات البنائية وانما بترتبط بيها وبتنقلها زي عربيات النقل كده لباقي اجزاء الجسم .. ولما تحاول تصفرها او نسبتها تنزل عن الطبيعي .. التست الحر هيبقي موجود في الدم فعلا بكمية كبيره ولكنه هيرتبط بأي شي يقابله .. وممكن يرتبط بمستقبلاته في البروستاتا والقلب ويسبب تضخم .. ودا لانك قللت من تواجد عربيات النقل الي بتعرف تتعامل مع الهرمونات دي وتنقلها لمكانها الصحيح عن طريق مستقبلات البروتينات دي والي اسمها SHBG receptor complex.. فاصبح الموضوع عشوائي 

 

عاوز اقول انك لو قللت من تواجد بروتينات النقل فدا هيأثير أيضاً علي قدرة جسمك علي تخليق الألياف العضلية فأي نسبة لل SHBG اقل من 10نانوميلي لكل ليتر دا شئ مرفوض بالنسبالي لانه غير جيد للبناء العضلي وغير جيد للرغبة والقدرة الجنسية ، وعرفنا فأول الفيديو ان نسب ال SHBG متعلقة بنسب الاستروجين لان الاستروجين هو الي بيحفز الكبد علي انه يفرز  SHBG .. والنسب المفضلة ليا للاستروجين هي من 35 الي 55 بيكوجرام لكل مليليتر

 

اذن فهمنا بعد كل دا ان لو عندك مشكله في الرغبة الجنسية.. فهيكون عندك زيادة او نقصان في نسب ال SHBG او في نسب الاستروجين او في نسب البرولاكتن او في نسب ال  neurosteroids 

 

طيب والحل؟؟ 

اول شئ لازم نضمن ان التستوسترون الحر والتسترون الكامل في اعلي النسب الطبيعيه او اعلي من الطبيعي .. ودا هيحصل لوحده كده كده مجرد ما تاخد هرمون خارجي

 

تاني شئ لازم نضمن ان نسب الاستروجين في المستوي الطبيعي زي ما قولت ما بين ال 35 الي 55 وفي ناس ممكن توصل الي 90 او اكثر وميحصلش اي مشكله لذلك لازم تاخد في اعتبارك الفرق الجيني بين الاشخاص في افراز انزيمات الارمطه وتكسير الهرمونات في الجسم والاختلاف بين تحويل التستوسترون الس استروجين او دايهيدروتستوسترون .. ولو نسب الاستروجن عاليه هناخد مضاد ارمطه زي الفيمارا او الاريماديكس او الاروماسين علشان ننزل النسبة او نعدل السايكل نفسها وندخل هرمونات بتقدر تقمع الاستروجين بشكل عكسي في الجسم وترتبط مع مستقبلات انزيم الارمطه زي اننا ندخل ماسترون او بريموبولان او بولدينون .. ولو المشكله كانت في ان نسب الاستروجين مرتفعه جدا فهنغمل العكس هنقلل من الهرمونات الي بتمنع الارمطه ونزود من الهرمونات الي بتتحول الي استروجين في الجسم .. وهنزيد علي كل دا اننا ندخل من بداية السايكل هرمون ال HCG واسمه برجنيل او ابيفاسي او كريمون .. ودا لانه هيقدر يحفز الخصية علي انتاج استروجين داخلي بشكل سريع وانا كده كده بدخله في اول السايكل بجرعة 250 الي 500 وحده علشان امنع المشكله دي واحافظ علي الخصوبة

 

ثالث شئ لو المشكله كانت في بروتينات النقل ال SHBG .. هنظبط الاول مستويات الاستروجين لانها بتقدر تزود من انتاج البروتينات دي من الكبد .. ولو مستويات ال SHBG عاليه هننزلها للنسب الطبيعيه عن طريق اننا نزود في السايكل بروفيرون بجرعة 50 الي 75مج في اليوم .. ولو كانت نسب ال SHBG منخفضه هنرفعها عن طريق اننا ندخل هرمون ال HCG وكمان هرمون ال FSH .. والهرمونات دي هتوازن نسب الاستروجين في جسمك وهتحفز زيادة تخليق جيمع انواع بروتينات النقل سواء ال SHBG او ال androgen binding protein .. وممكن كمان ندخل هرمون الغدة الدرقية T3 حيث انه هيحفز جين اسمه Hepatocyte nuclear factor-4 alpha علي أنه يزود من تخليق بروتينات ال SHBG في جسمك .. وفي ناس بتاخد نولفاديكس طول السنة حيث انه بيقدر يحفز الكبد بشكل مباشر علي انتاج بروتينات النقل دي 

 

رابع شئ لو المشكله كانت في ال neurosteroids زي ال DHEA وال pregnenolone.. وللاسف دائما الهرمونات دي هتنخفض في الجسم مجرد ما تبدأ السايكل بتاعك لان الهرمونات دي بيتم افرازهم من غدة اسمها adrenal gland والي بيحفز الافراز دا هو هرمون ال HCG شوفت ذكرنا اسم الهرمون دا كام مره لغاية دلوقتي؟؟ .. ولذلك انا دائما باخده من بداية السايكل حتي نهايتها هو مش مجرد هرمون بتاخده وقت ما تكون عاوز تتظف وانما هو بيشكل جزء كبير جدا من تحديد هل رغبتك تمام ولا فالبطاطا .. وبحب اخد ال DEHA بجرعة 25 الي 50مج .. وبحب اخد ال pregnenolone بجرعة 10 الي 25مج 

 

وبالمناسبة الهرمونات دي بتساهم في الاخر في تصنيع الكورتيزول في الجسم ومعظم الاوقات لاعبي كمال الاجسام بياخدو هرمونات مليئة بالمذيبات الي بترفع من معدلات الالتهابات في الجسم .. ومجرد انك تاخد هرمونات من برا الهرمونات دي هتقلل من افراز جسمك لهرمونات ال glucocorticoids والي من ضمنهم الكورتيزول والي يعتبر أهم هرمون في محاربة الالتهابات في الجسم وتحيد جهاز المناعة من مهاجمة المذيبات دي والهرمونات الي بتاخدها من برا .. ودا لان جهاز المناعه مش قادر يتعرف عليها وبيعتبرها ذرات غريبة عنه وبيعاملها علي اساس انها عدو خطر ولازم يتم القضاء عليه ومن هنا بيحصلك الأعراض الشبيهة بأعراض الحمي او البرد لما تيداء السايكل بتاعتك 

 

خامس شئ لو المشكله كانت في البرولاكتن .. حيث انه هيعمل مشكله لو كان عالي فقط .. فهنا اول شئ ممكن نعمله اننا نعيد تصميم السايكل من تاني ونشيل اي هرمون بيزود البرولاكتن في الجسم زي الديكا والمنت والترنبلون .. او ممكن نستخدم ادوية بتقدر تنزل نسب البرولاكتن وتزود من نسب الدوبامين زي دواء الدوستانيكس وهو مكون من مادة الكيبروجولين وانا بحب استخدمها بجرعة 0.25مج مره وحدا فالاسبوع .. او ممكن نلجأ لبديل اكثر امان وهو فيتامين ب6 

 

تحديدا مكمل ال P5P

لانه بيقدر يعمل نفس الموضوع دا ولكن بدون ما يسبب مضاعفات في القلب بسبب تفعيل مستقبلات الدوبامين فيه

 

ولو انتا شخص بيحب التجارب ممكن تجرب تاخد هرمون الاوكسيتوسين ودا هرمون الحب والترابط والتقارب .. وانا بحب اخده كبخاخ في الانف بجرعة 10 الي 50 وحده دولية قبل العلاقة مره او مرتين في الاسبوع فقط

تحياتي ك. محمد مصطفي