كيف تتفادي غيبوبة السكر من استخدام الانسولين؟؟

خطوات استخدام الانسولين بدون ضرر (10خطوات)

الأنسولين لن يقتلك .. الغباء هو من سيقتلك

 

في المقال دا هعرفك ازاي تتعامل مع الانسولين وازاي تستخدمه بشكل آمن بدون ما تضر نفسك وازاي تنقذ نفسك لو حصلك انخفاض حاد في سكر الدم ..  فتابع المقال للآخر لانه ممكن يكون الفاصل بين حياتك وموتك 

 

نعمل ايه لو بنتمرن مع زميل لينا وزميلنا دا مفهمنا انه بيستخدم انسولين .. ومره وحدا اغمي عليه بسبب استخدامه لجرعة انسولين عاليه او بسبب غلطة في حساب جرعة النشويات المطلوبه مع الانسولين؟ (وتقدر تقيس السيناريو دا علي مريض سكر برده) ، هنحل الموضوع دا في 10خطوات 

 

اولا : لو لسه فايق  هنديله اي عصير من السوبر ماركت مليان نشويات ذات تسلسل ذري بسيط بحيث تتكسر بسرعه وتتحول لسكر في مجري الدم وتنقذك من حالة الانخفاض الحاد في سكر الدم وتنزل مستوي الانسولين وممكن بدل العصير تديله شيكولاته او موز او السكر بتاع التحليه او اي مصدر جلوكوز سريع

 

ثانياً : لو اغمي عليه ممنوع انك تحاول تأكله او تشربه اي حاجه اطلب النجده ومتخافش محدش يقدر يحاسبك علي استخدام الانسولين حتي لو مكنتش مريض سكر وبتستخدمه للبناء العضلي (الدكاتره اخرهم يأنبو فيك علي الفعل المستهتر)

 

ثالثاً : دائما خلي معاك امبول كورتيزون (cortisone) ودا لقدرته علي تحريك السكر من الكبد وتنزيله لمجري الدم بسرعه ، انتا كنت فاكر انه هرمون ملوش لازمه صح وبيكسر العضلات؟ لا الكورتيزول هرمون ليه اهمية كبيره كمضاد التهاب وكمحرك للسكر وكمسيطر للجخاز المناعي وهعمل عن فيديو علي قناة عاليوتيوب عن اهميه هرمونات ال (Corticosteroid) واهمهم طبعا ال (glucocorticoid)

 

رابعاً: ممكن تخلي معاك قلم ابينيفرين (epinephrine pen) ودا لقدرة الادرينالين علي رفع معدل ضربات القلب والجهاز العصبي وفتح مجري القصبه الهوائيه للتنفس وعدم الاختناق وفوق كل دا بيقدر ينزل كميات سكر رهيبه في الدم من الكبد والعضلات ودي أليه تطوريه مفيده في الحالات الخطره للهرب او القتال كمثال لما تلاقي اسد قدامك زمان الجهاز العصبي بيتم تفعليه وبيتم وضع الجسم في حالة الكر والفر والناقل العصبي المسؤول عن الحاله دي هو الابينفرين الي هو ليه اسم تاني وهو الادرينالين 

 

خامساً: ممكن تخلي معاك صندق عدة جلوكاجون (glucagon) حيث ان الهرمون دا هو الهرمون المعاكس للانسولين في الجسم وبيقدر ينزل مستويات الانسولين في الجسم ويبداء في تكسير السكر والجليكوجين في الكبد وتنزليه في مجري الدم ولذالك حقنه منه ممكن تكون الفرق بين حياتك وموتك

 

سادساً: انك متستخدمش هرمون الانسولين من الأساس ولو استخدمته يكون معاك كوتش شاطر (انا تحديداً) ، او تثقف نفسك عن استخدام الانسولين قبل ما تبدأ في استخدامه عن طريق انك تشتري كتابي اوفردوز عضلات 

 

سابعا : دايما خلي معاك زميل ليك في التمرين تكون مفهمه ومعرفه انك بتستخدم انسولين (وتفهمه نوع الانسولين) وتقوله يعمل ايه في حالة لا قدر الله حصل انخفاض حاد في سكر الدم وتخلي دايما معاك مصدر سريع للسكر

 

ثامن شئ : لو حصل انخفاض حاد في سكر الدم هتحس بيه بشكل مخلوظ علي هيئه عرق وشحوب واصفرار في البشره وضربات قلب عاليه ونشفان فالريق واحساس بالعطش وهلع وخضة ودي كلها اعراض (الادرينالين او الابينفرين) مش اعراض الانسولين ..  لان جسمك بيحاول يلحقك وينبهك ان في انخفاض حاد فسكر الدم .  ف لو حسيت بالاعراض دي عرف الي حوليك بسرعه واشرب عصير او سكر علي قد ما تقدر 

 

تاسع شئ : لو محدش لحقك ودخلت في حالة اغماء ووصلت للمستشفي قسم الطوارئ .. هناك هيركبولك محلول جلوكوز اكيد وهيحقنوك بكورتيزون وجلوكاجون وهيحطوك علي جهاز تنفس صناعي علي امل انك تفوق من غيبوبة السكر .. وهتفوق بإذن الله

 

عاشر شئ: ممنوع انك تفوت معاد وجباتك ولازم تخليك مركز ومصحصح ودايما .. وخلي في نوته او منبه يفكرك بمعاد وجبتك المصاحب لمعاد إنطلاق وعمل الانسولين ودا بنسميه بال onset of action ومنبه يفكرك بمعاد وصول الانسولين لاعلي معدل في الدم ودا بنسميه بال insulin peak

 

تحياتي ك/محمد مصطفي