في الجزء الاول من المقال دا اتكلمت وشرحت 3 مواد وادويه اساسين ومهمين جدا لحماية القلب والشرايين والكلي وهما التلميسارتان وبيتباع في مصر بأسم

تلميسارتان ..

والاوميجا3 ..

والاسبرين .. 

 

في المقال دا هنتكلم عن مواد تانيه مهمه جدا في حماية القلب والشرايين وهما .. السياليس والفياجرا .. وكمان انزيم الكيو 10 وايضا حاصرات البيتا وهيكون في جزء ثالث هتكلم فيه عن حمايات القلب والضغط من المواد العشبيه والمواد الطبيعية زي خلاصة الثوم وخلاصة الكركاديه .. وخلاصة الاستراجيلاس

 

قبل ما ابداء اتكلم عن المواد الي هنحمي بيها القلب .. لازم نتكلم عن الاساسيات الاول وهي تمارين الكارديو مينفعش تهمل الكارديو لاي سبب من الاسباب لازم تلعب كارديو وتنشط الدوره الدمويه وقلبك ودا هيحمي قلبك ويمنع تكون الدهو الضارة .. ولازم تلتزم باصناف اكل واسلوب اكل صحي وتبعد عن الزيوت المهدرجة واكل الشارع .. مينفعش ابدا تكون بتاخد هرمون وبتأكل الاكل دا .. هتموت بدري اوي .. لازم تكون قد المسوؤليه

 

طيب خلينا نبداء باول ماده دوائيه معانا وهي السياليس والفياجرا .. وانا بعتبر الادويه دي من اهم حمايات القلب في الحقيقه .. الناس فاكره ان الادويه دي أدوية لضعف انتصاب فقط .. ولكن فالحقيقه ان الادويه دي تم تصنيعهم في الاساس علشان يكونو ادوية لحماية القلب .. ومن ضمن الاعراض الجانبيه للادويه دي هي انتصاب العضو الذكري .. والادويه دي بتقدر تمنع انزيم معين في الجسم من انه يكسر مادة اوكسيد النيتريك .. وبالتالي بنضمن ضخ دم افضل في الاورده والشرايين والقلب .. وبنقدر نوسع الاورد والشرايين وفوق كل دا فمادة السياليس ليها خصائص دوائيه جميله في حماية البروستاتا .. فالماده دي هتحمي القلب والاوره والشرايين وكمان البروستاتا وهتدينا انتصاب خرافي .. ف لازم تفكر جديا في استخدامها .. عن نفسي بستخدم مادة التادالافيل والي هي السياليس بشكل يومي بجرعة 5مج فقط في اليوم 

 

ثاني مادة دوائيه معانا .. وهي حاصرات البيتا .. ودي ادوية للسيطرة علي الضغط العالي وبتعمل ايضا علي وارتخاء الشرايين والاوعيه .. وليهم انواع كتيره جدا يهمني هنا نوعين فقط .. البروبرانالول والنيفيبيلول .. وبستخدم المادتين دول في حالتين فقط .. اولا ان دواء التلميسارتان يكون غير كافي للسيطرة على الضغط العالي وضربات القلب .. 

 

ثانيا نكون بنستخدم حوارق دهون .. ودا لان الحوارق بتقدر تفعل مستقبلات البيتا والألفا في القلب .. ودا بينتج عنه تضخم في عضلة القلب .. والادويه دي بتقدر تمنع تفعيل مستقبلات البيتا في القلب وبالتالي هنقلل جدا من معدلات تضخم القلب وهنحمي القلب والشرايين من ضغط الدم العالي ودا كله هيحمي كمان الكلي من انفجار الشعيرات الدمويه في النفرونات

 

وبحب استخدم مادة النيفبيلول بجرعة 5مج علي الريق .. وبحب استخدم مادة البروبرانولول بجرعة 20مج بعد التمرين مباشرة لتهدئة القلب وتقليل ضغط الدم العالي 

نخش علي الماده الي بعدها وهي عباره عن انزيم الجسم بيقدر ينتجه بشكل طبيعي اسمه كوانزيم كيو 10 .. وموجود في مصر وكل العالم باسم كيو 10 فورت والحبايه الواحده بتحتوي علي 100مج .. والماده دي ليها شكلين دوائيين وهما كالاتي 

1- مادة ubiquinone

2- مادة Ubiquinol

وطبعا الشكل الافضل هو الشكل التاني .. والمادة دي الابحاث لقت انها بتقدر تزود من الكوليسترول الجيد في الاورده والشرايين وتقلل من الكوليسترول الضار .. وبالتالي بتقلل من امراض الشرايين والاورده .. وفي تجربه اتعملت سنه 2013 علي 420 شخص بيعانو من فشل عضل القلب .. التجربه قدرت تثبت قوة الماده دي في تقليل خطر الموت من فشل عضلة القلب للنصف .. ودا شئ رهيب .. وفي تجربه اخري اتعملت علي تأثير الماده دي علي ضغط الدم .. التجربه لقت ان المادة دي قدررت تقلل من ضغط الدم الانقباضي والانبساطي بشكل رهيب .. واخيرا الماده دي مهمه جدا للناس الي بتستعمل ادوية الكوليسترول خصوصا ادوية الستاتنز زي الاتور والكريستور كمثال 

 

النهايه