في المقال دا هعرفكم كل الطرق الي هتقدر تزود بيهم حجم وطول وسمك العضو الذكري والي هنسميه خلال المقال ب (حماده) .. ف يلا بينا نكبر حماده 

 

اولا لازم تكون عارف انك مش اول شخص يفكر في انه يكبر حجم حماده .. بالعكس فكرة تكبير الحجم موجوده من السبعينات .. والحقيقه ان معظم الناس الي بتفكرفي انها تكبر حجم العضو معندهمش اصلا عجز او نقص في حجم العضو الطبيعي .. وإنما الموضوع كله طمع والبحر بيحب الزيادة !!

 

طيب ايه هو الحجم الطبيعي لحماده ؟؟

الطول الطبيعي لحماده وقت الانتصاب هو من 9سم الي 14سم ..

المحيط او القطر الطبيعي لحماده وقت الانتصاب هو من 5سم الي 10سم 

وبالمناسبة اتعمل دراسات وابحاث كتيره للبحث في العلاقة بين حجم حماده وبين حجم الانف .. والدراسات اثبتت ان كل ما حجم الانف كان اكبر كل ما حجم حماده كان اكبر .. والسبب غير معروف .. ولكني اعتقد ان السبب راجع لتواجد مستقبلات اندروجينة بكثافة عاليه في الانف زي ما هي موجودة في حماده وايضا .. الانف والاذن هما تقريبا الاعضاء الوحيده الي بتفضل تكبر وتستجيب لإشارات هرمون النمو ولذلك هنلاحظ دائما ان حجم الانف والاذن عن الناس الي عمرهم كبير مختلف واكبر من العادي 

 

طيب امتي يكون عندك مشكله في الحجم ؟؟

لو قل حجم حماده عندك وقت الانتصاب عن 7سم فنكون بنواجه هنا مشكله فعلا في الحجم الطبيعي ولازم نحاول ندور علي احد الحلول الي هتكلم عنها بعد شوية

 

طيب هل طول حماده بيفرق في المتعة او القذف او الخصوبة ؟؟

في الحقيقه ان طول العضو مبيفرقش في اي حاجه من دول .. لو كان حماده حتي اقل من الحجم الطبيعي في هو لسه قادر علي انه ينتج حيوانات منوية .. وقادر انه يخرج البول خارج الجسم .. وقادر انه يمتع شريك حياتك .. والحقيقة ان الناس اصبح عندهم خلل في تقدير الحجم الطبيعي لحماده بسبب مشاهدة الافلام الاباحيه .. وفي الافلام دي الممثل بيكون حاقن في حماده كل انواع السوائل والبلازما وواخد كل انواع الادويه ومتعدل في تصويره علشان يبان ان حماده عنده قد حماده عندك مرتين او تلاته .. ولكن دا مش حاجه طبيعيه ابدا .. وهنتكلم عن ازاي توصل للحجم دا 

 

طيب ايه الي ممكن يقلل من حجم وطول حماده  ؟؟

اشياء كثيره جدا اولهم واخطرهم السمنة .. الابحاث والدراسات اثبتت انك لو انتا سمين وانتا طفل او مراهق من سن ال 10سنوات حتي ال 22سنه فأنتا بشكل كبير هيكون عندك افراز اقل بكتير من هرمونات الذكوره تحديدا 50% اقل من الاطفال والمراهقين الي معندهمش دهون كتيره .. ودا بيحصل بسبب ان الخلايا الدهنية بيتصنع فيها انزيم اسمها (aromatase enzyme) الانزيم دا بيقدر يحول هرمونات الذكورة الي هرمونات أنوثة في الجسم تحديدا بيحول التستوسترون الي استروجين .. ومن ثم نسب الاستروجين لما بتزيد عندك كراجل .. بيتم ارسال اشارات قمعية للغدة النخامية ودي الغدة الي بتتحكم في افراز هرمونات الذكورة وبالتالي جسمك بيقلل من افراز التستوسترون .. وكل ما الخلايا الدهنية زادت كل ما الجسم صنع انزيم الاروماتيز بشكل اكبر .. وكل ما بقي عندنا استروجين اعلي .. وكل دا هيقلل من هرمونات الذكورة وهيسبلك تثدي كمان وهيخلي ثقتك في نفسك وفي شكلك صفر

 

السمنه مش بس هتقلل من افراز التستوستيرون وانما كمان هتقلل من افراز هرمون النمو .. ودا من اهم الهرمونات الي بتحرص علي نمو كل شئ في جسمك واولهم حماده .. فالبالتالي حماده هيكون طوله وحجمه اصغر .. لو حد من اولادك بيعانو من السمنة وهما في مرحلة النضوج والمراهقه .. وعملتلهم تحليل لهرمون النمو ولعامل البناء الشبيه بالانسولين (IGF-1) هتلاقي ان عندهم نسب منخفضه جدا ومقاربة لنسب الاقزام ودي مشكلة كبيره .. 

 

بكل بساطه لو سمحت لاطفالك انهم يكبرو وهما بيعانو من السمنة .. هتكون حرمتهم من ان حجمهم وطولهم يكون طبيعي وكذالك هتكون حرمتهم من ان حجم حماده يكون طبيعي .. وضيف علي كل دا هتكون بتوفرلهم بيئة مناسبة جدا لبدء تطور مرض السكر النوع التاني 

 

في سبب تاني ممكن يقلل من حجم حماده ولكن بنعتبره مشكلة في جينات الشخص نفسه .. والمشكله بتكون في ان جسم الشخص دا مبيفرزش الانزيم الي بيقدر يحول التستوسترون الي دايهيدروتستوستيرون والي هنختصره الي (DHT).. حيث ان الهرمون دا هو المسؤول عن اظهار الصفات الذكورية .. وبالتالي نقصه في الجسم بينتج عنه صغر حجم حماده وعدم ظهور الصفات الذكورية زي خشونة الصوت والشعر والعضلات .. والانزيم الي بنتكلم عنه اسمه (5 alpha reductase)

 

طيب ازاي نكبر حماده ؟؟

اول طريقة معانا وهي استخدام جهاز اسمه (Hydro Penile Pump) الجهاز دا بيقدر يعمل استريتش كبير جدا في الجلد المحيط بحماده وكمان في الغضاريف الموجوده داخل حماده ودا بيخلي حماده يكبر في الطول .. وايضا بيقدر يسبب فاكيوم حولين حماده ودا بيسبب اختناق للخلايا داخل حماده من الاكسجين وبالتالي الخلايا بتخلق اوردة اكثر في حالة بنسميها بال (angiogenesis) وايضا بتخلق ميتوكوندريا اكثر ودا كل دا بيسمح بتدفق اعلي للدم في العضو وبالتالي انتصاب اقوي 100مره وكبر في حجم العضو 

 

ثاني طريقه هي انك تعمل عملية لقطع الغضروف الي رابط حماده ومسببله انكماش بسيط واسمه (suspensory ligament) .. او انك تعمل ستريتش للمكان دا بشكل طبيعي بدون عمليات علشان تعمل مرونه واطاله للنسيج الضام دا والي بيتني حماده وبيقلل من ظهوره  بحجمه الكامل .. والاستريتش دا بيتم عن طريق تعليق اوزان حفيفه علي بداية العضو الذكري والاوزان دي بتحط حمل علي الغضروف وبتجعله اكثر مرونه وبتديلك زيادة في الطول 

 

ثالث طريقة هي انك تحقن مواد معينة داخل العضو .. ودي الطريقة الي بيتسخدمهما ممثلين الافلام الاباحيه علشان يقدرو يصورو فيديو كامل مدتة اكثر من ساعه بدون ما يفقدو الانتصاب ولو لدقيقة واحده .. والمواد الي بيحقنوها هي كالاتي : 

  • اول مادة هي (alprostadil) ودي عباره عن بروستاجلاندين بيقدر يسبب ارتخاء في عضلات حماده وبيقدر يوسع الاورده الداخليه ويزود من تدفق الدم داخل العضو
  • ثاني مادة هي (phentolamine) ودي عباره عن ماده بتسبب توسع في الاورده وبالتالي بتسمح بزيادة ضخ الدم داخل العضو 
  • ثالث مادة هي (papaverine) ودي عباره عن افيون .. ايوه زي ما سمعت كده عباره عن مسكن افيوني ومن قدراته انه بيزيد ضخ الدم بشكل رهيب داخل العضو وكمان بيمنع اي تقلصات ممكن تحصل بسبب الاستمرار في العلاقه لمدة طويلة زي ما بنشوف في الافلام الزرقاء

رابع طريقة هي انك تمرن عضلات الحوض واسمها (Pelvic floor muscles) ودي العضلات المسؤوله عن توازن ومرونة الحوض وعن القذف وعن الانتصاب وتقدر تزود المرونة فيها وتقوي العضلات دي بحيث تقوي الانتصاب وهتساعدك في تقوية الاتصال العصبي العضلي مع حماده وهيخليك تقدر تحافظ علي انتصاب لفترات اطول ولكن مش هيساعد في اطالة حماده بشكل كبير  

تحياتي ك.محمد مصطفي