هل الجينسنج حل لكل المشاكل الجنسيه ..؟؟

 

لو بتدور علي حاجه طبيعيه تزود من رغبتك الجنسيه وتزود من طاقتك وتخليك زي الحصان فالمقال دا ليك

 

ولو بتدور علي حاجه تحميك من السرطانات وتزود من عمرك وتقلل من الالتهابات والاكسده فالمقال دا ليك برده

 

الجسنج هو اشهر ماده بتستخدم من قديم الازل في الطب والثقفه الصينيه .. وكنت شرحته بالتفيل الممل في كتاب اوفردوز دماغ .. 

الجينسينج بينتمي الي عائلة الادابتوجينات او مولدات التأقلم .. ودي عائلة مكونه من اعشاب كتيره بتقدر تحارب الاجهاد والضغط النفسي والبدني والجينسج اهم عشبه فيهم ..

 

الجينسنج ليه 3 انواع وهم كالاتي : 

1- الجينسينج الاسيوي 

2- الجينسنج الامريكي 

3- الجينسينج السيبيري 

 

واهم نوع في التلاته دول هو الجينسنج الاسيوي وليه اسم اخر وهو الجينسنج الكوري واسمه العلمي “panax ginseng” .. ودا اقوي واكثر نوع من انواع الجينسنج اتعمل عليه ابحاث ودراسات تؤكد قدراته  .. وبالمناسبة كلمة “panax” معناها علاج كل شئ .. ومبيعات العشبة دي تخطت ال 200 مليون دولار فالعالم 

 

والمادة الفعاله في الجينسنج والي بتديله كل الصفات الرهيبه دي هي كالاتي : 

-1 مادة ال “ginsenosides”

2- مادة ال “gintonin”

 

استخدامات الجينسنج بترجع للعصور البدائيه تحديدا في الصين وكوريا والهند .. الجينسنج بيقدر يحارب الاجهاد البدني والنفسي والعصبي .. وبيقدر يقلل من الالتهابات والشوارد الحرة والاكسده .. وفوق كل دا ليه خصائص في محاربة الخلايا المسرطنه في الجسم .. وبيتم استخدامه ايضا في ظبط مستويات سكر الدم ومحاربة امراض السمنة وزيادة الرغبة الجنسية ورفع قدراتك كراجل في السرير .. ودا بيحصل عن طريق زيادة افراز هرمونات الذكورة وايضا زيادة ضخ الدم في الجسم عن طريق زيادة افراز اسيد النايترك الي بيقدر يوسع الاوردة والشرايين .. 

 

وفوق كل دا المركب دا بيتم استخدامه في بروتوكولات علاج امراض مضاعفات التوحد وكمان في تنشيط الذهن والقدرات العقلية زي يادة الانتباه والذاكره والتركيز.. وفوق كل دا بيتم وصفه من اطباء الاعصاب للمرضي الي بيعانو من مرض باركنسون ولمرضي الخرف وفقدان الذاكرة .. والاجمل من كده ان المركب دا ليه خصائص جميلة جدا في محاربة العدوي الميكروبيه وبيقلل من فرص حدوث عدوي الجهاز التنفسي تحديدا لذالك هيحميك من البرد ومن النزات الشعبيه .. ودا بيحصل عن طريق انه بيقدر يررفع من نشاطات وتواجد خلايا الدم البيضا في جسم ودا بيخلي جهاز المناعه في جسمك يعمل بشكل ممتاز ويقتل العدوي الميكروبيه 

 

وفوق كل دا فالابحاث لقت ان المركب دا بيقدر يقلل من مستويات الكوليسترول الضار في الجسم ودا هيرفع من قدراتك البدنيه والقدرة علي التنفس بشكل افضل ويقلل من خطر رالاصابه بامراض القلب والشرايين 

 

بالنسبه لمخاطر استخدامه فلا ينصح بأستخدامه من مرضي الضغط العالي .. لانه بيقدر يرفع من ضغط الدم وضخ الدم ..

 

عاوزك لما تيجي تشتري مكمل الجنسنج انك تدور علي مكمل يكون بيحتوي علي خلاصة الجينسنج بنسبة 4-7% من مادة ال”ginenosides” .. وهناخد من 500مج الي 2جم كاملين علي حسب رد فعل جسم للمركب وعاوزك تبداء دائما باقل جرعه ممكنه