في المقال دا هعرفك ازاي تخلف ولد ذكر .. وفي المقال الي فات عرفتكم ازاي تخلفو بنت..

 

فلو لو نفسك في ولد او بتحاولو تخلفو ولد يكون سند ليكم ويكون خليفه ليكم .. فالمقال دا اتعمل مخصوص علشانكم ..

 

في البدايه لازم نكون عارفين ان الحمل والانجاب والخلفه ونوع او جنس الجنين سواء ذكر او انثي .. دي كلها امور في ايد ربنا سبحانه وتعالي .. وكل الامور دي بتحصل بعد توفيق ربنا .. وسواء الطفل كان ولد او بنت فدا رزق كبير من ربنا والمفروض نحمد الله عليه 

 

ولكن في فيديو النهارده هعرفكم بعض الطرق العلميه الي ممكن تساعدنا في زيادة فرص انجاب اطفال ذكور 

 

اولا لازم اشرحلكم ازاي بيتم تحديد جنس الطفل بشكل طبيعي ؟

 

عملية الحمل في الاساس بتحصل لما حيوان منوي من الاب يلقح او يخصب بويضة من الأم .. بعد كده البويضه دي بيتم زرعها في جدار رحم الام .. وبتبداء هنا البويضه تنقسم وبيتم تكوين اعضاء الطفل وشكله العام وصفاته الي توارثها من الاب والام .. وبعدها تحصل الولاده 

 

وعلشان نكون واضحين .. المسؤول عن تحديد جنس المولود هو الاب .. لان البويضه القادمة من الأم دائما بتحمل الكروموسوم (X) .. وبالتالي ملهاش اي دور في تحديد جنس المولود نهائيا .. فلو حاولت تخلف ولد ومكنتش موفق متلموش زوجتك لانها ملهاش يد في الموضوع .. وانما انتا المسؤول عن تحديد جنس المولود بالكامل 

 

الحيوانات المنويه القادمه من الاب بتنقسم الي نوعين .. يا اما حيون منوي بيحمل الكروموسوم (X) يا اما حيوان منوي بيحمل الكرومسوم (Y)

 

وفي حالة ان الحيوان المنوي الي لقح البويضه كان بيحمل الكروموسوم (X) فهنا المولود هيكون انثي .. ولو كان بيحمل الكروموسوم (Y) فهنا المولود هيكون ذكر .. 

 

فنفهم من كده ان البويضه دائما هتكون بتحمل كروموسوم (X) ولو تم تلقيحها من حيوان بيحمل كروموسوم (X) برده ف هنا هيكون عندنا 2 (X) ودا معناه ان الطفل انثي .. ولو الطفل هيكون ولد لما حيوان منوي بيحمل كرومسوم (Y) يلحق البويضه الي دائما بتحمل كروموسوم (X) ف هنا عندنا (X) + (Y)

 

الراجل بقي في كل عملية قذف بتحصل منه بينتج ملايين الحيوانات المنويه والي بتنقسم بالتساوي ما بين حيوانات بتحمل كرومسوم (X) وحيوانات بتحمل كروموسوم (Y)

 

خلينا بقي نتطرق للطرق والاساليب الي هتساعدنا نخلف ذكر 

 

اولا : هنظبط وقت العلاقه او الجماع بحيث يكون في نفس وقت التبويض بتاع الزوجة وهنمارس فيه العلاقه بشكل مكثف .. ووقت التبويض دا بيتم فيه  افراز بويضه جديده صالحة للتخصيب من حيوان منوي ..  هتقولي طب ازاي اعرف اليوم دا .. هقولك ان اليوم دا في العاده بيكون اليوم ال 12 او ال 13 بعد الدوره الشهريه للستات الي دورتهم منتظمه 

 

ثانيا : هنستخدم وضعيات معينه في السرير هتسمح باختراق اكبر للمهبل ووصل اكبر لعنق الرحم وبالتالي الحيوانات المنويه مش هتضطر تمشي مسافه كبيره لغاية ما تلاقي البويضه وبالمناسبه الحيوان المنوي الي بيكون فيه كروموسوم اكس بيكون حركتة تقيله ولكنه بيتسحمل فتره اطول والحيوان الي بيحمل كروموسوم واي بيكون اسرع بكتير ولكن قدرة تحمله ضعيفه

 

ثالثا : هنحاول نخلي مهبل الزوجه مائل اكثر للقلويه او القاعديه بدلا من انه يكون مائل للحامضيه .. .. وهنعمل كده لان الابحاث لقت ان الوسط القلوي بيساعد الحيوانات المنويه الذكوريه علي انها تفضل عايشه لفتره اطول من الحيوانات المنويه الانثويه .. حيث ان الحيوانات المنويه الذكوريه بتعيش لمده 24 ساعه بعد ما تخرج في القذف .. والحيوانات الانثويه بتقدر تعيش لمدة 4-5 ايام

 

رابعا : لازم توصل زوجتك الي حالة النشوه اولا قبل ما تقذف داخلها .. ودا لان السوائل الي الست بتفرزها لما توصل للنشوه بتساعد الحيوانات المنويه الذكوريه علي انها توصل بشكل اسرع للبويضه وتلقحها ويحصل حمل

 

خامسا : لازم الست تأكل في زيادة من السعرات .. بمعني يانها تأكل بكميات اكبر من المعتاد ودا تم ربطه في دراسات اتعملت بزيادة فرص انجاب طفل ذكر .. خصوصا لو الاكل دا كان محمل بنسب عاليه من البوتاسيوم .. ويفضل تبعتد عن المأكولات الحاره والالبان والاكلات الي فيها لاكتوز وكمان الاكل الحامضي لان احنا اتفقنا اننا عاوزين نقلل الحامضيه في الجسم ونزود القلويه 

 

سادسا واخيرا : ممكن تجرب التلقيح الصناعي في المعمل ولكن الموضوع دا بيكلف كتير جدا .. والتلقيح الصناعي بينقسم الي نوعين .. اول نوع بيتم فيه زرع حيوان منوي داخل رحم الست وقت التبويض .. وتاني نوع بيتم فيه سحب بويضه وسحب حيوان منوي ذكر وتخصيبهم في المعمل ومن ثم ذرعهم في الرحم  

تحياتي ك/ محمد مصطفي