في المقال دا هعرفك ازاي تخلف بنت .. وفي المقال الي جاي هعرفتكم ازاي تخلفو ولد ..

 

فلو لو نفسكم في بنت او بتحاولو تخلفو بنوته تملي عليكم البيت وتبقي احن حاجه في حياتكم .. فالمقال دا اتعمل مخصوص علشانكم .

 

في البدايه لازم نكون عارفين ان الحمل والانجاب والخلفه ونوع او جنس الجنين سواء ذكر او انثي .. دي كلها امور في ايد ربنا سبحانه وتعالي .. وكل الامور دي بتحصل بعد توفيق من الله .. وسواء الطفل كان ولد او بنت فدا رزق كبير من ربنا والمفروض نحمد ربنا عليه 

 

ولكن في فيديو النهارده هعرفكم بعض الطرق العلميه المضمونه والي هتساعدنا في زيادة فرص انجاب اطفال اناث او بنات

 

اولا لازم اشرحلكم ازاي بيتم تحديد جنس الطفل بشكل طبيعي ؟

 

عملية الحمل في الاساس بتحصل لما حيوان منوي من الاب يلقح او يخصب بويضة من الأم .. بعد كده البويضة دي بيتم زرعها في جدار رحم الأم .. وبتبدأ هنا البويضة تنقسم وبيتم تكوين اعضاء الطفل وشكله العام وصفاته الي توارثها من الاب والام .. وبعدها تحصل الولادة 

 

وعلشان نكون واضحين .. المسؤول عن تحديد جنس المولود هو الأب .. لان البويضه القادمة من الأم دائما بتحمل الكروموسوم (X) .. وبالتالي ملهاش اي دور في تحديد جنس المولود نهائيا .. فلو حاولت تخلف بنت ومكنتش موفق متلموش زوجتك لانها ملهاش يد في الموضوع .. وانما انتا المسؤول عن تحديد جنس المولود بالكامل 

 

الحيوانات المنويه القادمه من الاب بتنقسم الي نوعين .. يا اما حيون منوي بيحمل الكروموسوم (X) يا اما حيوان منوي بيحمل الكرومسوم (Y)

 

وفي حالة ان الحيوان المنوي الي لقح البويضه كان بيحمل الكروموسوم (X) فهنا المولود هيكون أنثى .. ولو كان بيحمل الكروموسوم (Y) فهنا المولود هيكون ذكر .. 

 

فنفهم من كده ان البويضه دائما هتكون بتحمل كروموسوم (X) ولو تم تلقيحها من حيوان بيحمل كروموسوم (X) برده ف هنا هيكون عندنا 2 (X)  ودا معناه ان الطفل انثي .. ولو تم تلقيح البويضه من حيوان منوي بيحمل كروموسوم (Y)..فهيكون عندنا (X) + (Y) والطفل هيكون ولد 

 

الراجل بقي في كل عملية قذف بتحصل منه بينتج ملايين الحيوانات المنوية والي بتنقسم بالتساوي ما بين حيوانات بتحمل كرومسوم (X) وحيوانات بتحمل كروموسوم (Y)

 

خلينا بقي نتطرق للطرق والاساليب الي هتساعدنا نخلف بنت

 

اولا : هنظبط وقت العلاقه او الجماع بحيث يكون قبل وقت التبويض بتاع الزوجة بيومين الي 4ايام.. وهنمارس في الايام دي العلاقه بشكل مكثف ويومي بحيث نسمح للحيوانات المنويه الانثويه انها توصل لعنق الرحم قبل الحيوانات المنويه الذكوريه .. ويبداء يحصل التبويض من الزوجه وهنا الحيون المنوي الانثوي يلقح البويضه بنجاح .. ووقت التبويض دا بيتم فيه  افراز بويضه جديده صالحة للتخصيب من حيوان منوي ..  هتقولي طب ازاي اعرف اليوم دا .. هقولك ان اليوم دا في العاده بيكون اليوم ال 12 او ال 13 بعد الدوره الشهريه للستات الي دورتهم منتظمه ف هنمارس العلاقه قبل اليوم دا بيومين الي 4 ايام علشان نستبق الاحداث .. او بشكل ابسط وبدون كلكعه اعملو العلاقه بعد انتهاء الدوره الشهريه مباشره بشكل يومي 

 

ثانيا : هنستخدم وضعيات معينه في السرير هتسمح انه ميحصلش اختراق كبير للمهبل وبكدا هنقدر نمنع الحيوانات المنويه الذكوريه من انها توصل الي عنق الرحم .. واحنا عارفين ان الحيوان المنوي الانثوي بيكون حركتة تقيله ولكنه بيتسحمل فتره اطول والحيوان المنوي الذكوري بيكون اسرع بكتير ولكن قدرة تحمله ضعيفه .. ولذلك هيموت قبل ما يوصل للبويضه وهيعيش الحيوان المنوي الانثوي اللي هيلقح البويضه لان قدرة تحمله اكبر بكتير 

 

ثالثا : هنحاول نخلي مهبل الزوجة مائل اكثر الي الحامضية بدلا من انه يكون مائل للقلوية.. .. وهنعمل كده لان الابحاث لقت ان الوسط الحمضي بيساعد الحيوانات المنوية الانثوية على انها تفضل عايشه لفترة أطول من الحيوانات المنوية الذكورية.. حيث ان الحيوانات المنويه الذكوريه بتعيش لمده 24 ساعه بعد ما تخرج في القذف .. والحيوانات الانثويه بتقدر تعيش لمدة 4-5 ايام .. والحيوان المنوي الذكوري بيموت في البيئة الحامضية وبيحتاج بيئة قلوية .. وهنعمل دا بأننا نستهلك اكلات حامضيه زي الخل والشوكولاته والطماكم ونبعد عن الاكلات الي بتزود نسبة القلويه في الجسم زي اللوز والافوكادو والتفاح 

 

رابعا : ممنوع انك توصل زوجتك الي حالة النشوه .. بمعني انك اوعي تخلي زوجتك تقذف او توصل للرعشه الجنسيه ..  ودا لان الست بتفرز سوائل قلويه لما توصل للنشوه والسوائل دي بتساعد الحيوانات المنويه الذكوريه علي انها توصل بشكل اسرع للبويضه وتلقحها ويحصل حمل .. ودا احنا مش عاوزينه في الحاله دي 

 

خامسا : لازم الست تأكل في زيادة من السعرات .. بمعني أنها تأكل بكميات أكبر من المعتاد ودا تم ربطه في دراسات اتعملت بزيادة فرص الانجاب والحمل .. وياريت نقلل من الصوديوم او الملح في الفتره دي ونزود من المغنيسيوم والكالسيوم ونبتعد عن البوتاسيوم ودا الابحاث قدرت تثبت انه بيزود من فرص الحمل في طفل بنت

 

سادسا واخيرا : ممكن تجرب التلقيح الصناعي في المعمل ولكن الموضوع دا بيكلف كتير جدا .. والتلقيح الصناعي بينقسم الي نوعين .. اول نوع بيتم فيه زرع حيوان منوي داخل رحم الست وقت التبويض .. وتاني نوع بيتم فيه سحب بويضه وسحب حيوان منوي ذكر وتخصيبهم في المعمل ومن ثم ذرعهم في الرحم  

 

مع تحياتي ك/ محمد مصطفي