![](https://muscleoverdose.com/wp-content/uploads/2023/05/فوائد-الهرمون.jpg)
ليه المفروض تاخد هرمونات في العصر الحالي..؟؟
مقال صادم بعنوان ؛
تحذير .. المقال دا مش تشجيع علي استخدام الهرمونات!!
انا بشوف ان العصر الي احنا عايشين فيه دا .. هو عصر قاسي جدا علي صحتنا النفسيه والبدنيه .. واصبح عندنا كم من “أمراض ما بعد الحداثة” رهيب .. والزمن نفسه بقي بيفرض علي الأشخاص وبيتطلب منهم استخدام المنشطات والهرمونات للأسباب الآتية:
١- لمواكبة التغيرات الابيجينيه (epigenetics) ؛
ولكن ايه هي التغييرات الابيجينيه اصلا.. ؟؟
هي التغييرات الي بتحصل في جيناتك بسبب التغيرات البيئية المفروضه عليك من اكل واسلوب حياه.. مش بسبب التحوارت الجينيه “خد بالك كويس من السطر دا”..
طيب ايه هي التغييرات الي حصلت في عصر نا بعد الحداثه والي ادت لتغيير تمثيل الجينات الفرديه والتعبير عنه؟؟
– زي انخافض نسب المغذيات الدقيقه من الفيتامينات والمعادن في اكلنا الحالي وزيادة نسب المضادات الحيويه في الاكل والمبيدات الحشرية
– زيادة استخدام هرمونات التسمين والي بينج عنها ميتابولايتس بتساهم في زيادة هرمونات الانوثه وتقلب وانخفاض هرمونات الذكوره وايضا هرمونات الغده الدرقيه المسؤوله عن عمليات الحرق والأيض
– زيادة تواجد هرمونات الهدم العضلي من الكورتيستيرويدات زي الكورتيزول ودا راجع لطرق الذبح القاسيه واسلوب تربية الحيوانات الغير آدمي
– زي زيادة نسب البلاستك الدقيق الي بيهلك اعصابنا وبيرفع من نسب الاستروجين جدا في اجسادنا وبيتراكم ويسبب تسمم في الخلايا
– زي ضعف وانخفاض جودة النوم والاستشفاء بسبب وجود التكنولوجيا الحديثه الي بتستهلك كل وقتنا وطاقتنا وبتدبل اجسامنا من النواقل العصبية
– زي عدم التعرض للشمس بقدر كافي والجلوس دائما في المكاتب المكيفه وعدم توافق ميكانيكا الجسم الحيوية مع اسلوب المعيشه في عصر ما بعد الحداثه “كثرة الجلوس كمثال”
– زي استهلاك السكريات البسيطة وتدمير حساسية الانسولين في اجسامنا ، وتراكم الجلوكوز في مجري الدم وفي الدماغ وفي داخل الخلايا وتعطيل قدرات الميتكوندريا
– زي انخفاض معدلات الانشطة الرياضيه والحركه مثل المشي والجري والتعرض للطبيعه ، وتواجد الاكل في كل مكان وكل زمان
–
طيب والحل؟؟ هل الحل في استخدام الهرمونات الخارجيه ؟؟
اه دا أحد الحلول المطروحه .. ولكنه مش الحل الأمثل.. الحل الامثل هو حل جميع المشكلات السابقه… ولكن حتي بعد حل كل المشكلات دي وتصليحها .. برده مش هتشوف التغيير والتقدم الي بتتمناه .. وكمثال علي دا هو شخص اسمه “LIVER KING” ودا شخص مبتعد عن حياة الحداثه وعايش زي الإنسان القديم ولكنه في النهاية اتجه لاستخدام المنشطات لانه فهم طبيعة الامور ..
الهرمونات بتقدر تغير من تمثيل الجينات بشكل كامل .. الهرمونات بتقدر تحول جسمك الحالي والي هنعتبره عربية فيات قديمه متهالكه الي عربيه سباق فورميلا حديثه ..
الهرمونات هتغير طريقة تعامل جسمك مع المغذيات والجينات وتمثيلها بشكل كامل ..
– زي كمثال قدرة جسمك علي التعامل بشكل ممتاز مع النشويات والدهون واستخدامها في صنع الطاقه في الميتكوندريا وهي ثلاثي ادينوسين الفوسفات وحمايتك من أمراض السكر وأمراض عمليات الايض
– زي كمان قدرة جسمك علي التعامل مع البروتينات وتحويلها الي كودونات وقواعد نيتروجينيه لصنع الألياف العضليه وزيادة مستويات النيتروجين في الخلايا
– زي ترجمة ونسخ الأحماض النوويه بشكل ممتاز والتأكد من ان الانقسامات الخلوية تمت بنجاح بدون أخطأ جينية
ولكن خلي بالك لأن كل شئ ليه ضريبة لازم تدفعها .. والهرمونات زي ما هتحوب جسمك لمكانة بيولوجية.. والمكنه دي هتشتغل بطاقتها القصوي … إذن فالمكنة دي عرضها لانها تتكسر في وقت ما بسبب الضغوطات المخطوطه عليها من رفع قدراتها .. ولكن في نفس الوقت اسلوب الحياه السئ والاكل السئ وعدم رفع كفائة الجسم ف تمثيل جيناته ومغذياته هتجبلك كل امراض الدنيا .. لذالك ف الأمر متروك ليك انتا تقرر وتحدد انتا عاوز انهي نار .. اختار نارك يا برنس
تحياتي ك/ محمد مصطفي