في الفيديو دا هعرفكم ليه انا بحب الانسولين وليه مبخافش من استخدامه بكل انواعه .. هعرفكم علي فوائد محدش اتكلم عنها قبل كده زي (انه هيحميك من مرض السكر وكمان هيحرقلك الدهون) وهعرفكم ليه الانسولين الخارجي افضل من الانسولين الداخلي في نظري .. فتابع المقال للاخر لان الكلام الي هقوله بفلوس كتير اوي

 

مبدئيا كده البنكرياس يعتبر عضو ثنائي .. حيث انه بيتكون من جزئين:

1- جزء داخلي الافراز (endocrine)

2- جزء خارجي الافراز (exocrine)

 

الجزء خارجي الافراز (exocrine) بيحتوي علي خلايا بتشتغل وبتنتج العصارات البنكرياسيه (pancreatic ducts)

 

اما بالنسبة للجزء الداخلي (endocrine) فهو بيحتوي علي نوعين من الخلايا:

1- خلايا بيتا (Beta cells)

2- خلايا الفا (Alpha cells)

خلايا البيتا هي الي بتنتج الانسولين الطبيعي في الجسم

بينما خلايا الالفا هي الي بتنتج الهرمون المضاد للانسولين وهو الجلوكاجون والي يعتبر هرمون الجوع .. 

 

فنفهم من كده ان الجسم لو استشعر وجود مغذيات وسكر في الدم بيبداء يفرز هرمون الانسولين من خلايا بيتا فالبنكرياس علشان ننقل السكر دا من مجري الدم الي داخل الخلايا .. لان لو السكر فضل في مجري الدم هيسبب شكل من اشكال مرض السكر

 

ونفهم من كده ايضا ان لو الجسم استشعر نقص في المغذيات وفي السكر بيبداء يفرز هرمون الجلوكاجون علشان ينزل السكر المخزن في الخلايا الي مجري الدم بحيث ميحصلش انخفاض حاد في سكر الدم والشخص يخش في حالة اغماء

 

خلال انتاج الانسولين .. البنكرياس ايضا بينتج هرمون اسمه (C peptide) والبروتين دا مهم جدا ويعتبر دلالة علي صحة البنكرياس وخلايا البيتا وبيتعمل ليه تحليل في المعامل .. البروتين دا مهم جدا في تحسين صحة الكلي وصحة الاعصاب كمان عن طريق تحسين ال (nerve conduction velocity) .. ودا معناه انه بيحسن من نقل الاشارات الكهربائيه ما بين الخلايا العصبية 

 

طيب نيجي لسؤال مهم : 

هل البنكرياس بيقف عن العمل اذا استخدمنا انسولين خارجي ؟؟

الاجابة .. لا مش بيتوقف عن العمل وانما افراز الانسولين الداخلي بينخفض لان الجسم بيستشعر توازن نسب السكر في الدم ورجوعها للمعدل الطبيعي بسبب استخدامنا للانسولين الخارجي .. وبالتالي بيبعت للبنكرياس يحفزه انه يقلل من انتاج الانسولين الداخلي لان المغذيات تم نقلها من مجري الدم الي داخل الخلايا 

 

ودا بالتحديد من اكتر الاسباب الي بتخليني احب استخدم الانسولين الخارجي .. لانه بيشيل حمل كبير جدا من علي البنكرياس وخلايا البيتا .. تخيل تكون بتاكل 600 الي 1000جم نشويات في اليوم وداخل في 4000-6000 سعره كل يوم .. حرفيا البنكرياس هيبقي عليه حمل كبير جدا في انتاج القدر المناسب من الانسولين الي هينقل المغذيات دي من الدم للخلايا .. ولذلك فالانسولين الخارجي هنا وفرلنا حمايه للبنكرياس من انه يتهلك ويتحط عليه ضغط كبير بسبب اسلوب حياة لاعب كمال الاجسام الي بيتطلب منه اكل كميات كبيره من المغذيات .. وايضا وفرلنا حماية للجسم من مقاومة الانسولين الي بتحصل بتسبب تراكم السكر في الدم ورفض الخلايا لاشارات الانسولين 

 

طيب ايه الفرق بين الانسولين الخارجي الي بناخده من برا وبين الانسولين الداخلي الي جسمنا بيفرزه ؟؟ 

حرفيا مفيش اي فرق غير في شئ واحد .. وهو ان الانسولين الخارجي بيدخل الجسم ويبداء يرتبط بالمستقبلات بشكل مباشر وينقل السكر والمغذيات للخلايا .. في حين ان الجسم لما بيبنتج انسولين داخلي بيخش في عملية معقدة وطويله جدا بتتخلص في .. البدء في ترجمة الاحماض النووية في خلايا البيتا عن طريق ال (mRNA) بمساعدة الريبوسمومات .. ومن ثم بينتج عندنا الشكل الاول من الانسولين وهو (Proinsulin) وفي العملية دي بيتم انتاج ايضا بروتين ال (C peptide) الي حكينا عن فوائده وايضا بيتم انتاج مادة خطيرة اسمها (amlyin) والماده دي علي مدار سنين حياتك كلها بتتراكم داخل الدماغ والحبل الشوكي علي شكل (amyloid plaque) وتسبب في الاخر امراض الالزهايمر والخرف .. ودا تاني سبب يخليني احب الانسولين الخارجي لانه مبينتجش عنه المادة المضره دي 

 

خلينا بقي نناقش باقي فوائد الانسولين الخارجي 

اولا : الانسولين بيقدر يحفز بشكل مباشر جين ال (mTOR) ودا الجين المسوؤل عن كل عمليات النمو وانقسام الخلايا وبناء الالياف العضليه في الجسم .. يعني اعتبره كده رئاسة الدولة حيث انه مفيش اي عمليات بناء ممكن تتم بدون تدخله فيه واصداره لامر البناء واستشعار وتخليق البروتينات

 

ثانيا : الانسولين ليه القدرة علي رفع كفاءة الجسم في تدوير وصنع ثلاثي ادينوسين الفوسفات (ATP) عن طريق زيادة انزيم ال (phosphofructokinase 2) والي ليه دور مهم في تحويل السكر الي بيورفيت في عملية اسمها (glycolysis) .. ولذلك بيتم استخدامهم قبل التمرين .. ولو حد جرب الانسولين قبل التمرين وشاف البامب الخرافي والقوه هيفهم انا بتكلم في ايه

 

ثالثا : الانسولين عنده القدرة علي حماية الاوردة والشرايين من التصلب .. وبالتالي حماية جسمك وقلبك من ارتفاع ضغط الدم .. وايضا تحسين ضخ الدم دا بينتج عنه نقل اعلي للمغذيات والدم المؤكسد والمحمل بالاكسجين للعضلات وبالتالي بامب خرافي والتقاط للمغذيات من مجري الدم (nutrients uptake)

 

رابعا : الانسولين الخارجي بيرتبط بالمستقبلات بشكل اقوي 600مره من الانسولين الداخلي .. ودا بيعني ارتفاع مستويات ال (IGF-1) لاعلي النسب وال (IGF-1) هو احد الجينات المسؤوله عن تخليق الالياف والخلايا وزيادة معدلات النمو للعضلات

 

خامسا : الانسولين ممكن ينقذ حياتك في اسبوع التحميل .. في الاسبوع دا بنتلاعب بالاملاح والمعادن والمايه والنشويات واوقات بنستعمل مدرات بول .. وممكن يحصل غلطه في حساب الصوديوم والبوتاسيوم ومع استخدام مدرات البول الحافظه للبوتاسيوم زي الالدكتون ممكن يحصل عندنا فرط بوتاسيوم الدم او (hyperkalemia) واختلال نسب البوتاسيوم في الدم ممكن يسبب اختلال في كهرباء القلب موت فوري .. والانسولين ممكن ينقذك في الحاله دي لانه بيقدر ينقل السكر والبوتاسيوم الي داخل الخلايا بدلا من وجودهم خارج الخلايا وفي مجري الدم .. وبالتالي في بعض الاوقات ممكن نحمل النشويات باستخدام الانسولين في اسبوع البيك ويك 

 

سادسا : الانسولين ليه القدر علي زيادة نشاط جهاز المناعة .. ودا راجع لقدرته علي زيادة اعداد الخلايا المناعيه (T cells) وزيادة قدرتهم مقاومة العدوي الميكروبيه 

 

سابعا واخيرا : في ناس بتستخدم الانسولين في خسارة الدهون .. ودا عن طريق اخذه علي الريق بجرعة منخفضه كمثال 1-2 يونت من الانسولين السريع او اخد 10يونت من الانسولين طويل المفعول .. ومن ثم عمل كارديو يكون عباره عن مشي او كارديو خفيف .. ودا لانه عند انخفاض سكر الدم خلايا الفا بنتنج الجلوكاجون ودا الهرمون المعاكس للانسولين وبتنتج هرمون الادرينالين والاتنين دول بيحفزو تحرير وحرق الدهون لانتاج وموازنة سكر الدم من تاني .. وبالتالي الدهون دي بيحصلها اكسده وبتتحرق .. والبروتوكول دا بيكون فالغالب عباره عن شيئين : 

1- 2يونت جروث هرمون 

2- 2 يونت انسولين 

3- 500مج ال كارنتين

ومن ثم عمل الكارديو ولكن انا منصحش ابدا بأستعمال بروتوكول خطر بالشكل دا .. ولو فكرت تعمله خلي دائما معاك شكولاته او سكر تحسبا لاي تقلبات ..

 

النهايه مع تحياتي ك.محمد مصطفي