واحد ما بين 5 أشخاص هيتم تشخصيه بشكل من أشكال السرطان بعد وصوله لسن ال 70سنه ما بين التعداد السكاني للبشر في العالم ، في حين ان لو انتا احد المعمرين الي قدرو يفضلو عايشين لل 100سنه ففرصه إصابتك بالسرطان بتحصل بعد صولك لسن ال 100سنه … ودا فرق 30سنه ما بين الشخص الي بيحمل جينات عاديه وما بين الشخص الي بيحمل جينات المعمرين .. 

 

طيب يعني ايه معمرين اصلا ؟؟ 

كلمة معمر معناها الشخص الي بيقدر يعيش الي عمر ال 100 سنه او اكثر ..

 

المعمرين الي قدرو يعيشو فوق ال 100سنه في العالم كله من بداية الخليقه لا يتعدو ال 300 الف شخص .. والمعمرين الي قدرو يعيشو فوق ال 115سنه لا يتعدو ال 67 شخص .. والمعمرين الي قدرو يوصولو الي عمر ال 120سنه هما شخصين فقط واحده ست اسمها (Jeanne Calment) من فرنسا والي عاشت الي 122سنه .. وشخص اخر رجل من اليابان اسمه (Jiroemon Kimura) والي فضل عايش لعمر ال 116سنه 

 

ودا يوريلك قد ايه فرصة انك تعيش فوق ال 100سنه ضعيفه حيث ان ما بين كل 5000 بني ادم.. شخص واحد فقط الي بيوصل الي 100 سنه فعلا

فا لو عندك احد الاشخاص في عائلتك من الناس الي فضلو عايشين لل 100سنه .. فأنت شخص محظوظ جدا لانك هتكون بتحمل شكل من أشكال الجينات (phenotype) الي بتخلق الحاله دي من إطالة العمر .. 

 

ولو انتا زيي وزي باقي البشر الي أعمار عائلاتهم لا تتعدي ال 80-70سنه فالبقاء لله مقدماً (انا وانتا فشلنا في إختيار ابوين معمرين “ههه”) .. أيضاً نسبة النساء المعمرات اكبر 4 أضعاف من نسبة الرجال المعمرين .. وأيضا المعمرين بيجيلهم باقي أمراض الشيخوخة زي الضغط والخرف والتهاب المفاصل والخ بعد عمر طويل عن الأشخاص العاديين .. 

 

طيب ايه هي جينات المعمرين دي الي بتسمح ليهم انهم يعيشو العمر دا كله؟؟

في الحقيقة ان محدش لسه عارف إجابة السؤال دا ، ولكن بعد تجميع معظم الدراسات الي اتعملت علي المعمرين ظهر عندنا جين مشترك ما بينهم اسمه APOE ودا جين ليه 3اشكال تحديداً وهما e2/e3/e4 .. والشكل الجيني او ال (genotype) الي ارتبط فيهم بالعمر الطول هو e2 ف لو عملت تحليل لجيناتك ولقيت انك بتحمل الجين e2 ففرصة انك تعيش لعمر طويل مرتفعه جدا .. وعلي العكس اذا كنت بتحمل الشكل e4 ف انتا بنسبة 81% مش هتعيش لعمر طويل غالبا .. ي حين ان الي بيحمل الجين e3 هيعيشو لعمر متوسط زي كل البشر 

 

وعندنا ايضا جينات اخري ليها دور رهيب في جعلك تعيش لعمر اطول زي جين (APOC3) ويضا جين (CETP) والي مسؤولين عن التعامل مع الدهون وتنظيم الكوليسترول في الجسم ولذالك نادرا ما بنشوف امراض الشرايين والقلب عند المعمرين 

 

وكمان ظهر عندنا جين اخر حديثا تم ربطه في دراسه اتعملت علي رجال معمرين من اليابان وهو جين (FOXO3) والجين دا بيساهم في تمثيل جينات اخري كتيره حيث انه بيقدر يحدد انهي جينات في جسمك هتشتغل وانهي جينات هيتم تثبيطها .. والجين دا عامل زي وحدة الطواري المسؤوله عن اي خطأ ممكن يحصل .. زي تصليح الخلايا وتعديل عمليات الايض وتحفيز انتاج الخلايا الجذعية والتخلص من المواد الناتجه عن عمليت تمثيل المغذيات .. وبتحمي الخلايا من انها تتحول الي خلايا سرطانيه .. 

 

ومن الجينات الي (FOXO3) بيساهم في تمثيلهم .. هم جينات عائلة ال (sirtuins) ودول بينقسمو الي 7 جينات بداية من (SIRT1) الي (SIRT7) .. ودول من اهم الجينات الي بتلعب دور رهيب في زيادة العمر حاليا 

 

طيب خلينا نناقش طرق نقدر ننفذها علي ارض الواقع علشان نعيش لعمر اطول ونرجع شباب من تاني : 

1- لازم نأكل في عجز من السعرات والعجز دا ميكونش كبير كمثال لو سعرات ثباتك 2000سعره في اليوم .. كل الي محتاج تعمله انك تاكل 1800 سعره فقط .. ويفضل عدم تناول كميات كبيره من البروتين حيث ان الاحماض الامينيه هي اكثر شئ يحفز الخلايا علي الانقسام والاحماض النووي علي النسخ وبالتالي الكبر بشكل اسرع

2- لازم نتمرن بشكل يومي تمرين يطور الالياف العضليه وكمان تمرين يطور قدرتنا علي التنفس ويعلي وظائف الرئة

3- لازم نتعرض الي الحراره الشديده والبروده الشديده عن طريق التبديل بين الساونا وبين الشاور البارد 

4- لازم نحصل علي قدر كافي بشكل يومي من الفيتامينات والمعادن اللازمه لاتمام العمليات البيولوجيه

5- لازم تبتعد عن العادات المدمره زي التدخين ولازم تقلل من التوتر ولازم تنام يوميا ليلا في معاد ثابت 

6- ودي حاجة انا بدأت اعملها عن نفسي هي الاستفاده من المركبات الدوائيه الي بتقدر تحاكي عمل الجينات دي وهي كالاتي : 

1- مادة ال (rapamycin)

2- مادة ال (metformin)

3- مادة ال (spermidine)

4- مادة ال (resveratrol)

5- مادة ال (Nicotinamide mononucleotide)