كيف تزيد الحيوانات والسائل المنوي في القذف؟؟
لو حابب تزود كمية وحجم السائل المنوي والقذف بتاعك ..اقراء المقال دا للاخر لاني هديلك كل الاسرار الي هتضملنك انك تقذف كميات رهيبه من السائل المنوي … وكانك فتحت حنفيه .. يلا بينا
مين فينا مبيبصش علي السائل المنوي بتاعه بعد القذف علشان يشوف ويطمن هل هو كتير ولا قليل .. ولما بنلاقيه كتير بنفرح جدا بشكل لا ارادي .. وبنحس ان احنا مليانين ذكوره وخصوبة وان احنا اسود .. ولما بنلاحظ انه قليل بنزعل جدا وبنبقي محرجين
قبل ما ابداء عاوزك تعرف ان الشحص الطبيعي بيقذف ما بين 1 الي 5 مل من السائل المنوي ودا مقارب لمعلقه شاي
الحقيقه ان في عوامل كتير جدا ممكن تقلل من كمية القذف بتاعتك
- اولهم هو الكبر في السن .. كل ما تكبر في العمر البروستاتا والحويصلات المنويه قدرتهم علي انتاج السائل والحيوانات المنويه بتقل جدا .. ودا شئ طبيعي جدا راجع لانخفاض انتاج الهرمونات الذكوريه الداخليه من الخصيه وضعف عضلات البروستاتا ي دفع السائل المنوي بالكامل الي الخارج
- تاني شئ هو استخدام ادوية الضغط خصوصا حاصرات البيتا وكذلك استخدام ادوية السيطرة علي الكوليسترول زي اتور كمثال او كوليروز والي بينتمو لعائلة بنسميها عائلة الستاتينز ودا راجع لان الادويه دي بتقدر هي كمان تقلل من انتاج الهرمونات الذكريه الداخليه زي التستوسترون والدايهيدرو تستوسترون ودول مهمين جدا في تحديد جودة وكمية وحجم السائل المنوي والحيوانات المنويه ..
- تالت شئ هو استخدام الهرمونات الخارجيه زي ما لاعيبة كمال الاجسام بيعملو خصوصا 3 هرمونات هذكرهم بالاسم اولهم ترنبلون ثانيهم تريستلون ثالثهم هرمون المنت .. ودا لان الهرمونات دي بتسبب قمع رهيب للغذه النخاميه وبتصغر حجم الخصيه جدا
- رابع شئ بيقلل من كمية القذف هو الاستمناء وعمل العاده السريه بشكل متكرر ومشاهدة الافلام الاباحيه .. الموضوع دا مصيبه خصوصا لو انتا متجوز .. انتا هنا بتضيع كل السائل المنوي بتاعك علي الارض او في منديل بدل ما كنت تديه لشريك حياتك وتغرقها بيه .. وكمان بتهلك عضلات البروستاتا الصغيره وبتستزنف مخازن جسمك من السائل المنوي وبتدمر نظام الدوبامين في دماغك
طيب خلينا نخش علي طرق زيادة السائل المنوي
اول حاجه لازم نوفر المغذيات الأساسية والمواد الخام الي هتساهم في تصنيع السائل والحيوانات المنوية … فهناخد الاتي
- 100مج من الزنك ودا بقدر احصله باني اخد 4اقراص من اوكتوزينك
- 5000وحده دوليه من فيتامين د ودا بقدر احصله باني اخد قرص واحد من دافلاندي 5000
- 200ميكروجرام من السيلينيوم ودا بقدر احصله باني اخد 4اقراص سيلينيوم ايس .. ويفضل لو قدرنا نزود النسبه الي 400 او 800 ميكروجرام .. ودا صعب نحصله من الدواء .. لذالك هتلاقيني باكل في حدود 4 حبات من اللوز البرازيلي ودا لان كل حبه بتحتوي علي 100ميكروجرام من السيلينيوم
- 400 وحده دوليه من فيتامين ه ودا بقدر احصله باني اخد كبسولة فيتامين ه 400 .. وياريت لو تدور علي مصدر انضف شويه يكون بيحتوي علي كل انواع فيتامين وهي (tocopherols and tocotrienols)
- 2000مج الكارنتين ال تارتارات ودا بقدر احصله باني اخد قرصين ال كارنتين بلس
- واخيرا هناخد 4جم تورين ودا بقدر احصله من استهلاك سكوب تورين
وعاوز اقول ان المغذيات دي مش بس هتصنع السائل والحيوانات المنويه وانما كمان هتوفرلهم بيئه مضاده للاكسده والالتهابات وهستمحلهم يعيشو بشكل اطول فلو حابب تخلف دا هيساعدك جدا
طيب خلينا نخش علي الادويه الي ممكن استعملها لزيادة كميات السائل المنوي والحيوانات المنويه لو في مشكلة هرمونية
- اولا كلوميد ودا دواء بيقدر يقفل مستقبلات الاستروجين في الدماغ ويخدع الغدة النخامية في دماغك بحيث تفرز هرمونات الخصوبه بكميات عاليه وباخد منه 25مج في اليوم فقط
- ثانيا دواء الابيفاسي او الابره التفجيريه وباخد منها 250وحده دوليه 3 مرات في الاسبوع فقط وهسيبلكم فيديو كامل بشرح فيه الدواء دا بالتفصيل الممل
- ثالثا دواء الفوستيمون وباخد منه 75وحده دوليه فقط كل الاسبوع
وبحب اضيف مع كل دا تمارين اسمها تمارين كيجيلز التمارين دي بتساعد في التحكم في عضلات البروستاتا بشكل افضل وبتقوي منها ومن الحويصلات المنويه وبتزود من افراز السائل المنوي وبتعالج وبتحمي من دوالي الخصية
لو طبقت كل الي انا قولته دا هتلاقي نفسك بتقذف زي خرطوم المياه حرفيا وبتقذف لفتره اطول من الطبيعي
- واخيرا .. لازم تشرب مايه بشكل كافي لان السائل المنوي مكون من 80% من مياه والباقي سكريات واحماض وانزيمات .. لذالك استهلك ما لا يقل عن 3لتر في اليوم .. وابعد عن السجائر والكحوليات تماما
تحياتي ك. محمد مصطفي
