![](https://muscleoverdose.com/wp-content/uploads/2023/05/twins.jpg)
تمثيل الجينات والعيش لعمر اطول
لي في الصوره دي هما شخصين تؤام ..
في وحدا منهم مدخنه والتانيه لا .. مش محتاج اقولكم مين اكيد واضح .. المهم
التؤام المتطابق فالشكل دائما بيحملو حمض نووي مطابق لبعض في كل شئ ..
البوست دا مش علي السجائر والتدخين واضراره وانما علشان اوضحلكم ازاي اختياراتك وظروف حياتك والبيئة المحيطه بيك بتأثر علي تمثيل جيناتك ..
جيناتنا كبشر عامله زي ازرار البيانو .. فالمثال دا عندنا شخصين بيحملو نفس الجينات او نفس الازرار او نفس البيانو .. ولكن العزف علي البيانو نفسه هيطلع نغمة مختلفه جدا عن التانيه حتي لو ال 2 متطابقين في كل شئ ..
اذن نفهم ان تمثيل الجينات او تفعيل وتعطيل الجينات معتمد بشكل كبير علي المتغيرات البيئية الي حوليك ..
ليه التؤام الي بيدخن شكله اكبر 50 سنه عن التؤام الي مش بيدخن ؟
لانها ارهقت جيناتها جدا بأسلوب الحياه الخاطئ :
1- ارهقت الخلايا الجذعية في جسمها
2- ارهقت نهايات الاحمض النووية
3- ارهقت الخلايا بالاكسدة والالتهاب
4- ارهقت الميتوكوندريا وعطلت قدرتها علي انتاج الطاقه بكفائة
5- ارهقت جسدها بتجمع الخلايا المعطوبة
اذا ازاي نعيش لعمر اطول بحصه افضل ؟؟
بأنك تتدخل بالأيجاب في عملية تمثيل الجينات في جسمك ازاي ؟؟
نسيبها لمقال منفصل ان شاء الله
تحياتي ك.محمد مصطفي
#اوفردوز_عضلات