في المقال دا هعرفك ما هو العلاج البديل للهرمون للرجال بالجرعات وفي المقال الي فات شرحتلكم كل شئ عن العلاج بديل الهرمون للنساء بالجرعات .. فلو انتا شخص طبيعي وحاسس ان جسمك بداء يتدهور بسبب عوامل الكبر في العمر ورغبتك وقدرتك اصبحو في النازل او لو انتا شخص رياضي ولاعب كمال اجسام ومستخدم للهرمونات ومحتاج تفهم هل التنظيف افضل ام استخدام جرعات TRT فالمقال دا اتعمل مخصوص علشانكم 

 

ما معني العلاج بديل الهرمون ؟ 

بكل بساطه كل سنه بنكبر فيها وظائف الجسم الفسيولوجيه الطبيعيه بتقل وبتضعف بسبب عوامل الكبر في السن والشيخوخه ودي حاجه منقدرش نغيرها ولكن الي نقدر نغيره هو اننا نرفض ان الجسم قدراته تنخفض في افراز الهرمونات لان الانخفاض دا هينعكس بالسلب علي كل جوانب حياتك .. حيث ان الرغبة الجنسية هتنخفض ومعدل الطاقه والشغف هينخفض وهتبقي معرض للتقلبات المزاجيه والامراض النفسية وهتبداء في خسارة عضلاتك وضعف عظامك وغضاريفك وتدهور صحة جلدك وتساقط شعرك ومعدلات الايض والحرق وتمثيل المغذيات هتنخفض وجسمك هيبداء يخسر حساسية الانسولين ويخزن الدهون في كل مكان والجسم هيبداء ينهار سنه بعد سنه للاسف

طيب والحل ؟؟ احنا لحسن الحظ نقدر نبدل الانخفاض الطبيعي لافراز الهرمونات الطبيعية في الجسم بجرعات من الهرمون الخارجي لتنظم والحفاظ علي وظائف الجسم الحيويه 

لان زي ما عرفنا ان الهرمونات الذكوريه والانثويه مسؤلين عن تنظيم وظائف كتير في الجسم وبدونهم الجسم بيتدهور جدا الاعصاب بتضعف والشرايين والاورده بتتصلب والدهون بتتراكم واهم من كل دا المزاج العام والقدره والرغبه الجنسيه بتختفي

لذلك الحل الامثل لاعراض انخفاض الهرمونات في الجسم للراجل او للست هو تبديل الهرمون الداخلي بالهرمون الخارجي وبالمناسبه مش انتا بس كراجل الي بتحتاج تبدل هرمونات الداخليه وانما الست كمان وكنت عملت فيديو كامل عن تنظيم العلاج البديل للهرمون للنساء بالتفصيل الممل علي قناتي لازم تشوفوه 

الست بيكون عندها نسب بسيطه من هرمون التستوسترون والي بيكون مسؤل بشكل مباشر عن رغبتها الجنسيه زيك بالظبط ولكن رغبتك انتا كراجل بتكون اعلي اضاعف ودا راجع لان نسب التستوستيرون عندك اعلي اضعاف كمثال الست بتفرز ما بين ال 25مج الي 50مج في الاسبوع في حين ان الراجل بيفرز من 100مج الي 200مج في الاسبوع ولذلك احنا كرجال دائما هيجانين ، ولكن الهياج دا والقدره دي بتختفي بعد انحدار مستويات انتاج التستوسترون في جسم الراجل وبناء عليه لازم ندخل نسب طبيعه من الهرمونات للجسم تبدل المسستويات الطبيعية من الهرمون في جسد الرجل 

لذلك في دول الغرب هنلاقي ان في عيادات متخصصه في وصف وصرف العلاج بديل الهرمون وبتروح ليهم لو عندك مشكله في هرموناتك وبيوصفولك وصفه طبيه من النسب الطبيعه من التستوسترون كمثال بيوصفولك 150مج تستوسترون في الاسبوع مقسومين علي مرتين والنسبه دي هتحطك في اعلي مستوي طبيعي من انتاج التست في الجسم حيث ان ال 150مج تقدريا هيحطوك في نسبة 1000 نانوجرام لكل ديسيليتر ودا شئ عظيم فهتبقي في حاله نفسيه وبدنيه عظيمه وهتبقي مقبل علي الحياه بشكل لا تتخيله حتي وانتا في سن ال 50 هتحس انك رجعت شباب من تاني وعندك جميع ممثلين هوليوود وروئساء العالم بيستخدمو العلاج بديل الهرمون الي بيتضمن هرمون التستوسترون + هرمون النمو ، وانا نفسي همشي علي العلاج دا مجرد ما اوصل لسن ال 40 سنه وهكمل عليه لبقية حياتي لاني عاوز اكون دائما في حاله مزاجيه وبدنية وجنسيه ممتازه 

اذن اتفقنا ان الشخص الطبيعي لو هيستخدم العلاج بديل الهرمون هيقوم باستخدام هرمون التستوسترون الخارجي بجرعه 100مج الي 200مج ويفضل استخدام تستوسترون انانثيت او سبيونيت وياريت تقسم جرعتك علي ضربتين علي الاقل لتثبيت الهرمون في دمك ولتفادي ظهور اعراض الاستروجين من تقلبات مستويات الهرمون ولو مقدرتك المادية تسمح ياريت تزود هرمون النمو الخارجي لان افرازه في جسمك بيقل بشكل مرعب ايضا وهنستخدمه بجرعة 2 يونت فقط بشكل يومي او 3 مرات في الاسبوع ومجرد استخدام الهرمونات دي هتلاقي جسمك بداء يخسر كل الدهون المتراكمه في الخصر والبطن والاجناب وجلدك وعظامك وغضاريفك اصبحو في حاله ممتازه وعمليات الايض واكتساب العضلات اصبح اسهل بكثير والحاله النفسية اصبحت ممتازه وانتا كده رجعت شباب تاني ويمكن ايضا اضافة بعض المكملات مثل :

 1- مكمل DHEA بجرعة 25مج 

2- مكمل Pregnenolone بجرعة 50مج

ودي تعتبر ستيرويدات عصبيه مهمه جدا لنشاطك ورغبتك وكمان لضمان حماية وعمل جهازك العصبي بشكل ممتاز 

وبالنسبه للاشخاص مستخدمين الهرمونات زي لاعبي كمال الاجسام .. انا بشوف ان فكرة انك تمشي علي جرعات بديل هرمون في فترات الراحه بتاعتك من كوورسات الهرمون هيكون افضل 100 مره من انك تنظف بعد كل كورس وتوقع نسب الهرمون والعضلات في جسمك وترجع ترفعها من اول وجديد ، الموضوع دا هيخلص عليك بدري بدري وانا بشوف ان الافضل انك تريح جسمك علي جرعة هرمون بسيطه زي جرعة بديل الهرمون مع جرعه جروث هرمون قليله 

كمثال لو الساكل بتاعتك كان عباره عن الاتي : 

  • تستوسترون 500مج
  • بولدينون 500مج
  • ديكا 200مج 

انا بشوف ان الافضل انك تريج علي جرعة 250مج تستوسترون بالشكل دا انتا مش هتخسر كل عضلاتك ولا هتوقع مستويات الهرمون في الارض وهتكون لسه في جرعه علاجيه مبتحطش حمل قاسي علي جسمك وتقدر تريح عليها لفتره كبيره بدون خسارة العضلات التي تعبت فيها وبدون خسارة الامتلاء العضلي كمان وبدون احتباس المايه وكل المشاكل الي اتكلمت عنها قبل كده وانا قولت 250مج لان دي هتكون جرعه مناسبه لشخص بيستعمل هرمون للحافظ علي عضلاته حيث انه كان ماشي علي اضعاف الجرعه دي قبل كده وانما هي تعتبر جرعه اكبر من انتاج الجسم الطبيعي وبالنسبه لشخص مبتدء فهي ممكن نعتبرها سايكل ، اذن لو احنا لاعبي كمال اجسام وبنستخدم هرمون وريحنا علي جرعة بديل هرمون المسمي هنا بيكون اسمه (cruising) او (bridging) انما لو احنا اشخاص طبيعين وقمنا بتبديل انتاج الجسم الطبيعي من الهرمون هنا المسمي بيكون (TRT) 

والمسمي مش هيفرق معانا كتير المهم تكون فاهم ليه بنعمل كده وليه انا بكره التنظيف كمثال وعملت عنه فيديو كامل بنتقده وبنتقد اي مدرب بيعمله وليه بفضل انك تريح علي جرعه بسيطه وبديله من الهرمون وتفهم انك لو شخص طبيعي فتقدر تبدل الانخفاض الرهيب في افراز هرموناتك الطبيعية من الخارج وتعيش حياة ارقي بصحه افضل وعضلات اكبر ورغبة جنسيه وقدره اعلي ونفسيه ومؤشرات حيويه افضل