ازاي تمنع الضغط العالي وتتحكم فيه وتحمي قلبك وشرايينك 

ازاي تمنع ان قلبك يكبر ويتضخم وحجمه يزيد بسبب الهرمونات

ازاي تمنع فرص حدوث جلطات بسبب زيادة لزوجة الدم من الهرمونات 

ازاي تمنع تصلب الشرايين وتراكم الكوليسترول في دمك وانسداد مجري الدم

 

في المقال دا هعرفك ازاي تعمل دا واكتر ف لو انتا حد بيتسخدم الهرمونات او حوارق الدهون او السارمز او اي ماده بقع تحت مسمي المنشطات فالفيديو دا اتعمل مخصوص ليك .. ف اتاكد انك تقراء للاخر

 

فالبدايه هتلاحظ اني اتكلمت عن حاجات كتيره جدا زي ضغط الدم والكوليسترول ولزوجة الدم والقلب والجلطات .. ومن الوهله الاوله هتحس ان كل دا ملوش علاقه ببعضه .. ولكن فالحقيقه ان كل دول مترابطين ببعض جدا واي تأثير هيحصل علي اي حاجه فيهم هيأثر علي التاني بشكل مباشر وصريح 

 

كمثال لو نسب الكوليسترول زادت هيبداء يحصل تراكم للدهون في الدم ودا هيزود من ضغط الدم لان الشرايين بقت اضيق ودا هيسبب ضرر في جدران الشرايين والهرمونات بتقدر تتقلل من مستويات الكوليسترول الجيد وتزود من مستويات الكوليسترول الضار ودا معناه ان نسب اكتر من الدهون هتتراكم في الشرايين وفوق كل دا فالهرمونات كمان بتقدر تزود من لزوجه الدم ودا معناه ان خلايا الدم الحمراء هتمسك في بعض وتكون تجمعات دمويه وبما ان الشرايين بقت اضيق بسبب تراكم الدهون فالتجمعات دي ممكن تسد مجري الشرايين بالكامل وهنا هنبقي بنتعامل مع جلطه ودا شئ مميت .. فوق كل دا قلبك زيه زي اي عضله في جسمك بيحتوي علي مستقبلات اندروجينيه والهرمونات هتوصل للمستقبلات دي وتفعلها ودا هينتج عنه تضخم في حجم القلب والتخضم دا بيحصل غالبا في البطين الايسر من القلب وكمان لما ضغط الدم يعلي القلب بيضطر يشتغل بمجهود اعلي بكتير علشان يضخم دم بكفاءه ف نفهم من كل الي انا قولته دا ان كل حاجه مترابطه ببعض ولو حاجه باظت التانيه هتبوظ وعاوز اقولك ان حتي الكليه بتاعتك هتتأثر هي كمان من كل الاضرار دي لان الكلي هي العضو المسؤل عن فلترة الدم والدم لما يبقي بيندفع في شرايينك بضغط عالي جدا لان ضغط عالي لانك بتاخد هرمونات ومبتاخدش اي حمايات ليها ف دا ممكن يؤدي لانفجار الشعيرات الدمويه في الكلي ويدمر النفرونات المسؤله عن فلترة الدم 

 

ف اذن كل شئ مترابط ببعضه ومينفعش تاخد هرمونات وتمشي بدون 

 

دواعم وحمايات للقلب ووالشرايين وتسيبها للحظ لان الحظ مش هيكون في صالحك .. فالافضل انك تمشي بمنهجيه علميه وتقدر البلاء قبل وقوعه وتحصن نفسك منه وتحمي اعضائك ف يلا بينا نتكلم عن المواد الي هنستخدمها في حماية القلب والشرايين من كل الامراض دي 

 

اول واهم دواء في الفيديو دا وفي المجال كله هو مادة التلميسارتان وللاسف محدش يعرف عنها حاجه لسه الا الناس الي بيتابعوني والحمدلله اني قدرت انشر الدواء دا وبقي كباين كتير بيدخلوه لللاعيبه في السايكل بتاعته بسببي ف الحمدلله انا مبسوط اني سبب في انقاذ حياة ناس كتير 

 

مادة التلميسارتان بتباع في مصر وفي كل انحاء العالم بأسم ميكارديس وبينزل منها علبة 40مج وعلبه 80مج واهمية المادة دي راجع في قدرها علي حماية القلب والشرايين والكلي كمان ودا بيحصل بسبب خواص الماده الدوائيه دي .. الماده دي بنسميها ب مثبطات الانجيوتنسن .. الماده دي بتتقدر تعطل انزيم او بروتين الانجيوتتنسن من انه يتربط بمسقبلاته في جسمك .. الانجيونسن هو مادة بتقدر تضيق الاوعيه والشرايين وترفع من الضغط وتحفز افراز هرمون الالديستتيرون ودا الهرمون المسؤل عن حفظ الصوديوم في الجسم وبالتالي ف الضغط هيزيد برده ولذالك لما نقمع الانجيوتنسن هنقدر نمنع تضيق الاوعيه والشرايين ونمنع افراز الالديستيرون ونمنع زيادة ضغط الدم وحماية الضغط الدم هينتج عنه حماية لجدران الاوعيه والشراين وكمان حمايه للقلب والكلي وطريقة استخدام الدواء دا هي باني باخده علي الريق قبل الاكل وببداء دائما ب 40مج الا في حالة انك ماشي علي سايكل كبير اوي وتقطر تتابع ضغط دمك بشكل يومي وتقرر اذا كنت هتحتاج تزود الجرعه ولا لا 

 

ثاني دواء في الفيديو هو مادة الاوميجا 3 والماده دي تعتبر احماض دهنينه مهمه جدا كنت شرحتها بالكامل في بلاي لست خاصه بيها قدر تشوفها علشان تفهم عنها كل شئ .. المهم ان الماده دي بتقدر تزود من نسب الكوليسترول الجيد في الجسم وتطرد كمان الكوليسترول السئ والدهون الثلاثيه من الشرايين والاورده وتحمي جدران الشرايين من التصلب وبتقدر تحمي قلبك كذالك من التضخم واضطرابات القلب 

ثالث ماده معانا وهي الاسبرين ودي مادة ممتازه جدا وبحب استخدمها خصوصا في حالة استخدامنا لهرمون البولدينون ودا لان الهرمون دا بيقدر يزود من افراز هرمون الاريثروبيوتن والهرمون دا بيقدر يزود من تتخليق كرات الدم الحمراء ويرفع من مستويات الهيماتووكريت ودا بيزود لزوجة الدم وبيسمح بحدوث جلطات لذالك بحب استخدم الاسبرين لان ليه القدره علي تنعيم بلازما الدم وفصل كرات الدم عن بعضها وكمان بيقدر يقلل من الالتهابات في الجسم