اولا مفيش حاجه اسمها الانسولين هيموتني.. العلماء عملو تجارب علشان يشوفو ايه الجرعه الي ممكن تموت حد .. والجرعه كانت عاليه جدا ومحدش مات اصلا جسمك مش ابن امبارح جسمك دا نتاج ملاين السنين من التناسل وتوارث الجينات ووسط كل دا حصل تطور خرافي علشان تبقي البني ادم الي انتا عليه دلوقتي فجسمك طور اليات دفاعيه ضد ان يحصلك انخافض حاد ف سكر الدم زي ايه زي العرق والجوع الشديد لو حد دخل ف اعراض هايبو قبل كده هيقدر ياكد كلامي دا والاعراض دي جسمك بيعملها علشان يعرفك ويقولك أنه محتاج سكر حالا .. والا هيضطر يتجه لاخر اليه دفاعيه عنده والي هي انه يدخلك في غيبوية سكر ويغمي عليك .. لغايه ما حد يلحقك بعصير او يحقنك بمحلول جلوكوز … ومش الغيبوبة الي هتموتك اصلا .. ولكن انك تفضل فالحاله دي لفترة طويلة هو الي هيموتك وهيسبب موت لخلايا دماغك ..ويسبب سكته دماغيه

 

فلازم تفهم ان الكام يونت الي انتا بتاخدهم دول مش هيموتك.. بس انا عن نفسي مبفضلش استخدم الانسولين لوحده بفضل استخدمه مخصوص لو هستخدم جي اتش لان الجي اتش بيعلي سكر الدم جدا وهيدخلك في حاله من مقاومة الانسولين .. تبقي بتاكل ولاكن الاكل دا مبيوصلش للخلايا العضليه الي محتاجاه وعلشان نتفادي انك تبقي مريض سكر النوع التاني .. هندخل الانسولين مخصوص علشان ننزل عربيات النقل الي هي الأنسولين الخارجي علشان تاخد الزلط والرمله الي هي الاكل الي هو اتحول لجلوكوز فالدم حالياً وتوديه للموقع والي هو الخلايا  والالياف العضلية ..

 

المشكله الكبيره ان الجلوكوز يفضل عايم فالدم .. وانتا بتاخد جي اتش حاول تحافظ علي جرعات منخفضة في الاول كمثال ابداء ب 2يونت فقط ومن ثم علي بشكل تدريجي .. في ناس ممكن تستحمل جرعات عاليه وميحصلهاش مشاكل وسكر الدم صايم عندهم تلاقيه تحت ال 80 كمان .. المهم كمثال لو انتا بتاخد 4-6 يونت جروث فاليوم .. لو قيست سكر الدم عندك صايم ولقيته فوق ال 100 ف انتا كده داخل في مقاومة انسولين ومحتاج مركبات تساعدك في تحسين حساسيه الانسولين دي وكمان تقليل سكر الدم زي ايه :

  • البربيرين

     او

  • المتفورمين 

المركبات دي تعتبر (glucose disposal agents) بتقدر تسحب السكر من الدم للعضلات وتقلل من افراز الكبد للجلوكوز وبتعلي من حساسيه مستقبلات الانسولين علي جدران الخلايا .. ولو استخدمت الحاجات دي ولسه سكر الدم عندك فوق ال 100 يبقي ندخل انسولين علطول مع الجروث .. ودا شئ عظيم اصلا لان تخليق ال (IGF-1) هيبقي اعلي بكتير ودا هيعمل معاك عضلات اكتر بكتير ..

 

ال IGF1 pathway بشكل محدد مش هحب اروح ناحيته دائماً بالعكس الطريق دا اينعم من اقوي طرق البناء العضلي لاكن بيجي معاه مخاطر شديده لان الطريق دا مرتبط بشكل مباشر مع تطور الاورام الخبيثه والسرطانات لانه بيدي اشارات بنائه لكل مكان ف جسمك ومن ضمن الاماكن دي الخلايا المسرطنه الي ممكن متظهرش اصلا علي مدار حياتك لغايه ما تموت ولكن اشارات البناء والمغذيات الكتير دي لو راحت للمكان الغلط هيحصلك تطور الاورام .. فحاول تستخدم الانسولين في فترات قصيره وحاول تستخدمه بشكل متقطع او متباعد يوم اه ويوم لا  علشات تحافظ علي حساسيه المستقبلات عندك او تبقي ماشي علي نظام (periodization) ومقرر لنفسك فتره هتشد فيها جامد ف تدخله لانك هتدخل كميات اكل وسعرات عاليه وتمرين بشده اعلي ومحتاج الاكل دا يروح للعضلات ..  

 

بالنسبه البروتوكولات والجرعات مفيش حاجه ثابته خالص.. انا اطلعت علي مليون برتوكول بمليون طريقه وجرعات غريبه واوقات غريبه وكله ليه سببه وغرضه يعني ممكن تستخدم (Lantus) الصبح اول ما تصحي وممكن تستخدم (Humalog) قبل التمرين بحيث تشحن الاكل للعضل ك جليكوجين وكمان تحط نفسك في حاله بناء لانه الانسولين هرمون مضاد للهدم (anti catabolic) ف مش هتخسر عضل ولكن هتكسب اشارات بناء منه ومن التمرين كمان ..  وممكن بعد التمرين علشان تشحن الاكل للعضل

 

ولازم تبعد الانسولين عن معاد النوم طبعا علشان منخشش غيبوبة سكر وانتا نايم، في ناس بتاخده علشان خواصه في تسريع الهضم وتحسينه وبيجوعهم اكتر بكتير كمان والي بيسمحلوهم ياخدو سعرات اعلي بكتير.. ولكن انتا ممكن تبدل دا بببتايد مشهور كدا وعظيم جدا اسمه (mk667) ودا محفز للجروث هرمون وكمان محفز لهرمون الجوع (الجريلين) فهتبقي كانك دخلت جي اتش وانسولين مع بعض من الببتايد دا ..

 

جرعات الانسولين السريع (هيمالوج) بتتحسب بناء علي نسب الكارب الي هتاخدها مش العكس .. بمعني انك مينفعش تحدد جرعة الانسولين وتحط جرعة الكارب الي هيغطيها .. بالشكل دا هتعبي دهون .. كطريقه للتبسيط في حساب جرعات الانسولين ..  ممكن تحسبها بالشكل دا .. دي طريقتي في حساب جرعات الانسولين : 

هناخد 1يونت من الانسولين السريع هيمالوج لكل 20جم من النشويات

كمثال لو هناخد في وجبه ما قبل التمرين وهيكون فيها 60جم نشويات هناخد قصادها 3يونت هيمالوج

 

جرعات الانسولين البطئ (لانتوس) بتتحسب بناء علي نسب الكارب الي هتاخدها علي مدار اليوم ..  .. دي طريقتي في حساب جرعات الانسولين : 

هنقسم نسبة الكارب في اليوم بالكامل علي 20 ودا هيدينا جرعة الانسولين البطئ

كمثال لو هناخد في اليوم كله 400جم كارب هنقسم ال 400 علي 20 هيطلعلنا 20يونت 

 

لو هتاخد انسولين بدون جروث هرمون ودي حاجه انا مش هحب اعملها لان الجروث هرمون هيحرق معاك بشكل قوي والانسولين لوحده هيرفع من تخزين المغذيات فالعضلات لكن برده هيخزن فالدهون ودي حاجه الجي اتش بيقدر يعدلها و يتفاداها والحل انك تاخد الاتنين مع بعض ف تقدر ترفع من تخزين الاكل وشحنه للعضل وكمان من حرق الدهون وتقليل التخزين دا فالخلايا الدهنيه فتبقي ضريت عصفورين بحجر 

تحياتي ك. محمد مصطفي