شجرة عائله هرمونات البناء العضلي (تصميم سايكل الهرمون)
كل الهرمونات الي تم تصنيعهم هما بيتنمو الي واحده من ال 3 عائلات دول :
1-عائله التستوستيرون – testosterone derivatives
2-عائله الدايهيدرو تستوستيرون – Dihydrotestosterone derivatives
3-عائله الناندرولون – testosterone derivatives
في المقال دا هشرحلكم عائلات الهرمونات الأساسية والي بيتعمل منهم باقي الهرمونات وخصائص ومشاكل كل عائله لان كل عائله بيتشاركو في خصائص معينه هتنعكس علي شكلك وقوتك وطاقتك وشخصيتك كمان، ومشاكل زي زياده الخصائص الأنثوية عن طريق الاستروجين والبرولاكتن او الخصائص الذكورية ومشاكل البروستاتا عن طريق الدايهيدروتستستيرون او مشاكل الكبد والكلي والدهون الخ ، انشاء الله بعدها تقدرو تحددو ايه الهرمون الي يناسبكم خلال فترة السايكل
طيب خلينا نخش في اول عائله معانا وهي (عائلة التستوستيرون – testosterone family)، عندنا هرمون التستوستيرون وهو هيكون الاب هنا لهرمونات كثيرة ومعني كده ان ذراته هتكون أساس لصناعة الهرمونات دي بعد التعديل عليها واضافه خصائص جديده، طيب خلينا نذكر أشهر الهرمونات الي اتعملت من التستوسترون :
- بولدينون او اكوابويز – boldenone
- ديانابول – dianabol
- تورينابول – turinabol
- هيلوتستن – halotestin
طيب خلينا نتكلم ف خصائص ومشاكل العائلة دي واولهم ان العائلة دي بيحصل فيها ارمطه بمعني ان الهرمونات دي بيحصلها تحويل الي استروجين تحديدا استرودايل ومثيل استرودايل ودول بنسميهم (ميتاوبلايتس – metabolites) للاستروجين ودا حلو وسئ في نفس الوقت حلو لان الاستروجين هيوفرلك حمايه لاعصابك وشرايينك ومفاصلك وسئ لانه لو علي عن الطبيعي هسيبب جاينو او صدرك يكبر زي الستات وكمان هيعمل احتباس في الماء معادا البولدينون لانه بيقدر يحارب الاستروجين
عندنا تاني عايله وهي عائله ال (DHT)، والي الاب فيها هيكون (الدايهيدروتستوسترون – Dihydrotestosterone) والي ذراته هتكون الاساس الي هيتم التعديل عليه علشان نطلع بهرمونات تاني اقوي زي :
- ماستيرون – masteron
- انافار – anavar
- بريموبولان – primobolan
- انادرول – anadrol
- وينسترول – winstrol
- بروفايرون – proviron
خصائص الدي ااتش دي هو يعتبر ميتابوليت التستوستيرون اصلا ومسؤل عن كل الخصائص الذكوريه من شعر الي صوت الي تطور أعضاء تناسليه كمان البناء العضلي من الهرمونات دي قوي جدا ومشابه لعائله التستوستيرون ونسب رفع معدل النايتروجين وتخليق البروتين متقارب جدا.. الفرق بس ان عائله الديهايدروتستوسهرون لا تتحول الي استروجين فممكن تحس ان الديانبول او التست احسن لانه هيزودك وزن اكتر ولكن الوزن دا بيكون مايه ومعادن جوا العضله ودا مش شئ سئ بالعكس دا معناه قوه اكبر واوزان اعلي وسلامه للمفاصل بتاعتك، لاكن بالنسبه لعائلة ال (DHT) هتديلك شكل ناشف اكتر من غير احتباس للمايه وقوه رهيبه فهي مناسبه اكتر في رائي لسايكل التنشيف مش الضخامه
نخش في ثالت واخر عائله وهي عائله (الناندرولون – nandrolone derivatives) والي الاب فيها هيكون ناندرولون واشهر الهرمونات فالعائله دي هما :
- الترنبلون – trenbolone
- المينت – ment
- ديكا – deca
وخصائص العيله دي بما انها تعتبر مركبات بروجيستاجينك بمعني انهم مصنوعين من ذره استروجين و بيقدرو يتواصلو مع البروجسترون ومستقبلاتهم بشكل مباشر ،ودا بيعمل تأثيرات سيئة كتيره منها تعطيل هرمونات الذكوره في جسمك بشكل كبير جدا وحتي فترة استرجاع الهرمونات الطبيعيه في جسمك بتبقي طويله جدا وبتاخد وقت كبير علي عكس العائلات التانيه ،وقدرتهم علي رفع هرمون البرولاكتن وإضعاف هرمون الدوبامين والي ممكن يخليك مكتئب مودك وحش وهيغير في شخصيتك وممكن يسببلك امراض نفسيه او فضلت بتضرب لفترات طويله وكمان يسبب جاينو، ولكن العائله دي تعتبر اقوي عايله في بناء ألياف عضليه صافيه بدون دهون وبشكل ناشف ومدور وزي الصخر حرفياً، والي بيميز العيله دي اكتر هو قدتهم علي قمع الهرمونات الهدامه زي الكورتيزول بشكل اقوي بكتير عن باقي العائلات، فلذالك الناس واخدين فكره عن الترنبلون كمثال انه اقوي من اي حاجه تانيه مع انه لو قيسنا ارتفاع النايتروجين وتخليق البروتين داخل العضلات بين الترنلون والتستوسترون هنلاقيهم متقاربين جدا لاكن الفرق في ان الترن هيقمع الكورتيزول من انه يبعت اشارات هدم للعضلات .. لذلك حرفيا مستحيل تخسر عضل عالترن حتي لو جوعت نفسك، وعلشان كده هو اساسي عند اي حد بينافس وخصوصا قبل المسرح باسبوعين وكمان بيعمل زياده القوه غير طبيعيه،
تحياتي ك.محمد مصطفي
