تحذير هذا المقال قد يجعلك تعيش الي 100 سنه او اكثر .. وقد يجعلك تعيش لهذا العمر بصحة بدنية ونفسية ممتازه .. وقد يجعلك تخدع الموت وتسترجع شبابك الضائع مرة اخري .. اقراء الي الأخر..

 

حكايتنا بتبداء مع جزيرة رابا نوي (Rapa Nui) والي تم اكتشافها سنة 1722 .. اهمية الجزيرة بترجع لاكتشاف اهم مادة لأطالة العمر في العالم فيها .. والمادة دي هي مادة الرابميسين (Rapamycin) والي الفيديو كله بيتمحور حول اهميتها .. 

 

سنة 1964 كندا ارسلت بعثه طبية لجزيرة ربا نوي وخلال الرحلة دي .. العلماء قدرو يعزلو عينات كتيره جدا للبحث فيهم وارسالهم الي كندا .. ومن ضمن العينات الي تم عزلها كانت مادة الراباميسن والي تم عزلها من التربة علي يد العالم (Georges Nogrady).. 

بعد ما العينات رجعت الي كندا تحديدا سنة 1972 .. تم ارسال احد العينات الي دكتور سيجال (Suren Sehgal) الطبيب والعالم هندي الأصل .. دكتور سيجال بدأ يدرس العينة الي جاتله والي سمها بعد كده بأسم راباميسين (Rapamycin)

 

مادة الرباميسين بيتم انتاجها من بكتيريا تسمي ب (S.hydroscopicus) .. واسم (Rapamycin) بينقسم الي جزئين اول جزء (Rapa) ودا كناية عن اسم الجزيره .. وثاني شئ هو (mycin) ودا زي تصنيف كده لاي دواء بيحمل خصائص مضادة للفطريات والبكتيريا 

 

دكتور سيجال قدر يعزل البكتيريا من عينة التربة الي استلمها وقدر يعمل مزرعة بكتيريا من العينه وبالتالي قدر ينتج مادة الرباميسين علشان يكتشف صفاتها وفوائدها واضرارها .. ولكن لسوء الحظ شركة الادوية الي كان بيعمل فيها وقتها افلست في مونتريال كندا وتم اصدار امر بتدمير جميع العينات الجديده .. ولكن دكتور سيجال رفض الامر دا وقدر يهرب عينه من البكتيريا دي وخباها في الديب فريزر في بيته ..

 

ومن ثم مره اخري في سنة 1987 دكتور سيجال جاتله الفرصه انه يبداء شغله علي العينه الي كان مخبيها .. في الاول الكل كان فاكر ان مادة الرباميسين هتكون مجرد مضاد ميكروبي زيه زي اي مضاد حيوي تاني .. ولكن سنه 1999 هيئة الغذاء والدواء الامركييه وبعد عدة تجارب وابحاث وافقت علي استخدام مادة الرباميسين علي مرضي زرع الاعضاء .. ودا لان الماده دي بتقدر تمنع الجهاز المناعي من رفض الاعضاء الجديده .. ومن ثم تم الموافقه علي استخدامه في محاربة مرض السرطان بكل انواعه 

 

ودا بعد ما الدكتور ديفيد سبتيني (David Sabatini) قدر يكتشف ميكانيزم عمل المادة دي .. مادة الرباميسن بتقدر تقلل من معدل انقسامات الخلايا .. ودا عن طريق قمع اهم جين في جسم البشر والحيوانات .. وهو جين اسمه (mTOR) .. الجين دا موجود عند كل اشكال الحياه من الخميره الي الذبابه الي الإنسان .. وهو المسؤول عن انقسام الخلايا وعن ترجمة ونسخ البروتينات والاحماض النووية وبالتالي هو المسؤول عن حدوث عملية الكبر في العمر لان الخلايا ليها حد معين من الانقسامات الخلويه بنسميه ب (hayflick limit) ومن ثم الخلايا بتتحول الي خلايا زومبي قابلة للتحول الي خلايا سرطانية بتسبب مضاعفات خطيره في الجسم .. 

 

مادة الراباميسين بتقدر تزود من عمرك عن طريق قمع الجين دا وبالتالي تقليل معدلات انقسامات الخلايا وتقليل نسخ وترجمة البروتينات والاحماض النووية والي بيترتب عليه انك بتفضل في صحة الشباب وبتقلل من فرص حدوث سرطانات .. ببساطه المادة دي بتوقف الوقت بالنسبة لخلايا جسمك وبتمنعهم من انهم يكبرو اكتر وينقسمو اكتر .. 

 

من الحاجات التانيه الي بتقلل من تفعيل جين ال (mTOR) هو تقليل استهلاك السعرات الحرارية .. سواء التقليل دا كان تقليل للسعرات بالكامل او تقليل فترات الاكل زي الصيام المتقطع او حتي قليل عنصر غذائي واحد .. زي تقليل الاحماض الامينيه المتشبعه والي بتحتوي علي اهم ثلاث احماض امينيه بتساهم في انقسام الخلايا ونسخ البروتينات ورفع معدلات النيتروجين وبالتالي زيادة وكبر حجم العضلات وهما leucine + isoleucine + valine

 

من التجارب الي بحضرلها حاليا علي نفسي هي استخدامي لجرعة منخفضة من مادة الراباميسين تحديدا 10مج والي بتتباع في الصيدليات بأسم سيروسليم او رباميون .. مع تقليل السعرات الي هاكلها في اليوم بنسبة 20% مع استهلاك مادة الميتفورمين كذالك بجرعة 1500مج .. 

 

ومن المكملات الي هستهلكها في الوقت دا ايضا مكمل السبرميدين (spermidine) والريسفراترول (resveratrol) واخيرا الاكربوز (Acarbose) وايضا هحاول اقلل من تناولي للبروتينات في الفتره دي وهركز اكتر علي تناول الخضروات …. بالاضافة الي التمرين علي نظام براين جوهانسون (Bryan Johnson) ودا اهم شخص في الوقت الحالي في عالم اطاله العمر حيث انه بيصرف ملايين الدولارات في تطوير بروتوكولات لإطالة العمر وهنتكلم عنه في فيديو لوحده وهشرحلكم البروتوكول بتاعه والي اسمها (the blueprint) ..