يلا بينا نكمل سلسلة شرح وتنظيم جرعات وسايكل السارمز مجانا علي موقعي .. والمرادي هنتكلم عن (الاوستارين – Ostarine) والي معروف ايضا (بالانوبوسارم – Enobosarm) .. وايضا ليه اسم ثالث وهو (MK-2866)

 

الاوستارين هو واحد من اوائل السارمز الي تم اختراعهم ولغاية يومنا هذا يعتبر احد اشهر السارمز المستخدمة علي نطاق واسع جدا من مستخدمي المنشطات واكثرهم مبيعا في السوق السوداء .. الاوستارين تم اختراعه وتطويره من شركة GTx inc لعلاج هشاشة العظام وتحلل وضعف العضلات

 

الشئ المميز في الاوستارين هو انه يعتبر اكثر سارم اتعمل عليه ابحاث سريريه والمشترك بين كل الابحاث دي هي اثبات قدرتة علي بناء العضلات بأقل ضرر علي صحة الجسم والاعضاء الداخلية .. 

بعد البدء في استخدام الاوستارين توقع انك تكتسب من 3 الي 4 كيلو في مدة 8 الي 12 اسبوع .. واترجاك انك مستسقلش بال 4 كيلو من الالياف العضلية الصافية .. لانك علشان تبنيهم بشكل طبيعي بدون هرمونات او منشطات هتضطر تلعب حديد علي الاقل سنه الي سنتين !! 

 

الاوستارين بيتحط في معظم سايكلز السارمز سواء كانت سايكل تنشيف او تضخيم ودا بسبب انه مركب مرن جدا بيقدر مع التغذية السليمة والتمرين القاسي يسبب خسارة في الدهون وايضا اكتساب للعضلات وزيادة في القوة .. ولذلك بينفع جدا مع الناس الي عاوزه تعمل (body recomposition) او بالعربي تبني عضل وتسخر دهون في نفس ذات الوقت

 

من اكتر الحاجات الي هتلاحظها عند استعاملك للاوستارين .. هو سهولة العدات والمجاميع الي كانت قبل كده صعبه جدا .. وبالتالي هتقدر تعمل عدات اكتر ومجاميع اعلي وبالتالي حجم تدريبي او فوليوم اعلي بكتير .. ايضا هيخليك قادر تتمرن لفترات اطول في الجيم بدون تعب .. وهيرفع من استشفائك بعد التمرين بشكل مرعب .. وبالتالي هتقدر تتمرن اليوم الي بعده بدون تعب او ارهاق او اللأام ما بعد التمرين

 

الاوستارين مش حارق للدهون صرف .. ولكنه هيقدر ينشط عمليات الايض والحرق بسبب تفعيله لمستقبلات الاندروجينات وبالتالي دا هيسبب خسارة في الدهون 

 

من اجمل صفات وفوائد الاوستارين هو قدرة علي تقوية المفاصل والغضاريف بشكل لا يصدق .. وايضا يقال انه بيقدر يشفي اصابات المفاصل 

 

الاوستارين لا يسبب احتباس في الماء .. وايضا هيخلي شكل عضلاتك وملمسها زي الصخر والعضلات واضحه ومنفصلة عن بعضها .. حيث انها هتاخد شكل ثلاثي الابعاد 

 

الاوستارين لا يسبب تثدي .. لانه لا يتفاعل مع مستقبلات وهرمون الاستروجين في الجسم .. وايضا لا يسبب تسقاط للشعر وتضخم للبروستاتا لانه لا يتفاعل ولا يتحول الي هرمون الديهيدروتستوستيرون 

 

نيجي بقي لاضرار الاوستارين .. المركب دا هو اقل انواع السارمز تأثير علي قمع الهرمونات الطبيعية .. ولكنه بلا شك هيسبب شكل من اشكال القمع علي الخصية والغدة النخامية وطبعا كلنا عارفين انه اذا تم قمع هرمون التستوسترون في جسد الرجل ممكن يحدث الأعراض الاتيه:

1- انخفاض الرغبة الجنسية 

2- ضعف الانتصاب  

3- الاحساس بالحساسية

4- ضعف الشغف والمجهود

5- تقلص وانكماش حجم الخصيتين

6- زيادة نسب الكوليسترول السئ وانخفاض نسب الكوليسترول الجيد

 

هتيجي بقي حضرتك تقولي كلامك غلط .. انا بقالي اسبوع بستخدم الاوستارين وحاسس اني حصان .. هقولك دا بسبب انك لسه في اول فترة الاستخدام .. معروف عن السارمز قدرتها علي تقليل نسب ال (SHBG) ودي بروتينات بترتبط بالتستوسترون وبتقلل من تواجده بصوره حره في الدم وبالتالي زيادة التستوستيرون الحر في الدم وبالتالي زيادة الرغبة والقدرة موقتأ .. ولكن كل دا هينخفض جدا بعد اسبوعين حيث ان نسب التستوسترون في الدم هتكون انخفضت وجسمك مش هيقدر يفرز تستوسترون من تاني

 

نيجي بقي لجرعات الاوستارين .. مبدئيا عمر النصف للمركب دا هو من 20 الي 24 ساعة .. ولذالك تقدر تستخدمة مره واحده في اليوم ودا هيحافظ علي نسب الهرمون دا ثابتة في الدم علي مدار الاسبوع وعلي مدار السايكل 

 

  • جرعات الاوستارين للرجال هي من 10مج الي 25مج 
  • جرعات الاوستارين للنساء هي من 5مج الي 10مج

 

وسايكل الاوستارين يفضل ان لا تتعدي ال 12 اسبوع 

 

بالنسبة للحمايات فهنستعمل الاتي :

  • الاوميجا-3 – Omega3
  • انزيم كيو10- Q10
  • اسيتيل سيستين – NAC
  • تودكا – TUDCA
  • السليمارين – Silymarin


اخيرا بالنسبة للتنظيف .. انا بستخدم 3 مواد وهما كالاتي : 

  • البرجنيل – HCG بجرعة 1250يونت 3 مرات في الاسبوع لمدة شهرين
  • الفوستيمون – FSH بجرعة 75يونت مره في الاسبوع لمدة شهرين
  • النولفاديكس – tamoxifen بجرعة 20مج يوميا لمدة شهرين 

 

ومن ثم بعمل تحاليل علي الاتي :

  • التستوسترون – test total & free
  • الاستروجين – E2
  • البرولاكتن – prolactin
  • هرمونات الغدة النخامية – (LH + FSH)

علشان اطمن ان كل شئ رجع يشتغل بشكل طبيعي ..

 

تحياتي ك محمد مصطفي .