ازاي تخلف توأم , طريقه مضمونه 100%

 

في المقال دا هعرفك ازاي تخلف توأم .. وفي المقالات الي فات عرفتكم ازاي تخلفو ولد وازي برده تخلفو بنت  ..

 

فلو لو نفسكم في توأم او بتحاولو تخلفو توأم .. فالمقال دا اتعمل مخصوص علشانكم ..

 

في البدايه لازم نكون عارفين ان الحمل والانجاب والخلفه ونوع او جنس الجنين سواء ذكر او انثي او تؤام .. الامور دي كلها في ايد ربنا سبحانه وتعالي .. وبتحصل بعد توفيق من الله .. وسواء الطفل كان ولد او بنت او تؤام  فدا رزق كبير من ربنا والمفروض نحمد ربنا عليه ولكن في فيديو النهارده هعرفكم بعض الطرق العلميه المضمونه والي هتساعدنا في زيادة فرص انجاب توام

 

اولا لازم نعرف ازاي الحمل بيحصل اصلا ؟ .. الحمل بيحصل لما واحد من مبايض الانثي الاتنين يتبرع ببويضه .. والموضوع دا بيحصل كل شهر .. والحقيقه ان المبيض بيتبرع باكتر من بويضه في المره الواحده .. طب ازاي بيتم اختيار بويضه واحده علشان يتم نقلها الي قناة فالوب وتخصيبها من الحيوانات المنويه ؟؟ 

 

بعد ما بيتم التبرع بالبويضات دي الجسم بيفرز هرمون اسمه اف اس اتش .. والهرمون دا بيروح للمبايض ويختار البويضه الي بتحتوي علي اكبر عدد من المستقبلات ويبداء يكبر حجمها تحديدا بيكبرها الي 22ملم.. ومجرد ما البويضه توصل للحجم دا الجسم بيبداء يفرز هرمون تاني اسمه ال اتش .. والهرمون دا مسؤل عن نقل البويضه دي الي افضل واوسع مكان في قناة فالوب .. والبويضه هناك بتستني الحيوان المنوي من 8 الي 24 ساعه .. ومجرد ما يحصل الجماع والسائل المنوي يدخل الي المهبل .. الحيوانات المنويه بتنطلق في سباق وماراثون بيضم ملايين الحيوانات للوصول اولا للبويضه لتخصيبها .. والسباق دا واحد من اصعب السباقات حيث ان الحيوانات المنويه بتضطر انها تسبح عكس التيار والجاذبيه علشان توصل لعنق الرحم وتعبر من الرحم وتوصل لقناة فالوب وتندمج مع البويضه .. 

 

ومجرد ما الاندماج دا يحصل البويضه بيتم نقلها الي داخل الرحم ويبداء يتكون الجنين .. الكلام دا كله خاص بالحمل العادي .. طيب ازاي الحمل في توام بيحصل ؟

 

مبدئيا كده احنا عندنا نوعين من انواع الحمل في توام .. اولا الحمل في توام متطابق .. ثانيا الحمل في توام غير متطابق.. 

 

الحمل المتطابق بيحصل بعد ما حيوان منوي واحد يلقح بويضه وحده .. والبويضه دي بتنقسم الي اتنين او ممكن اكتر .. ودا بيحصل بعد 3 ايام من تلقيح البويضه .. والتوام المتطابق دا بيكونو متطابقين في كل شئ في الحمض النووي والشكل وكل شئ .. وحاليا للاسف مفيش لسه اي طريقه تخليكي تحملي في توام متطابق

 

والنوع التاني من الحمل في توام .. هو الحمل بتوام غير متطابق .. ودا بيحصل لما المبيض ينتج بويضتين او اكتر مش بويضه واحده .. وبيتم برده نقلهم الي قناة فالوب وبيتم تلقيح كل بويضه من حيوان منوي مختلف عن التاني 

 

وبعدها بيتم نقل البويضتين الي الرحم  .. والتوام دول ممكن يكونو متشابهين او مختلفين في الجنس .. ولكن دائما بيكونو مختلفين في الشكل وفي الحمض النووي 

 

وعاوزك تفهم ان الحمل في توام هو شئ نادر حيث ان ما بين كل 1000حالة ولاده .. 30حاله فقط بتكون توام.. والحمل في توام غير متطابق نسب حدوثه اعلي بكتير من الحمل في توام متطابق .. 

 

 انا عارف انتو قد ايه نفسكم في توام .. ولكن كل حاجه بيكون ليها تمن .. وللأسف الحمل في توأم ممكن يسبب مشاكل كتيره جدا للاطفال وللام كمان زي .. الولادة المبكره وعدم اكتمال نمو الاطفال في رحم الام .. وولادة الاطفال بصحه غير جيده .. حيث ان وزنهم بيكون اقل من الطفل الطبيعي .. وكمان زيادة فرص حدوث شلل الدماغ او التوحد .. وفي بعض الاحيان الاطفال دول بيموتو كمان .. وكمان بيكون في حمل كبير علي جسد الام وبتكون معرضه في الحمل دا الي امراض السكر وضعف العظام وتدهور الصحه العامه .. 

 

طبعا في عوامل كتير جدا بتزود من نسب الحمل في توام زي كمثال .. 

 

الناس السمر تحديدا سكان نيجيرا عندهم معدلات ونسب اعلي من اي بلد او شعب اخر في الحمل في توام وعلي النقيض الاسيوين عندهم اقل معدلات حمل في توام 

 

كمان فرص الحمل في توام بتكون اعلي بكتير عند الستات الي عندهم اقارب خلفو توام قبل كده وكمان لو زوجك عنده في العائله اقارب مخلفين توام فالنسبه هتكون اعلي واعلي

وايضا لابحاث لقت ان الستات الي في ن ال 30 الي 40 سنه عندهم نسب اعلي بكتير من باقي الاعمار في الحمل في توام ودا راجع لزيادة افراز هرمون الاف اس اتش في جسم الستات دول بسبب تقدم العمر 

 

وايضا الابحاث لقت ان الستات الي وزنهم او طولهم زايد عن الطبيعي عندهم معدلات اعلي في الحمل في توام ولغايه دلوقتي محدش عارف السبب ولكني برجح انه بسبب تناول كميات مرتفعه من السعرات وتحصيل مغذيات اعلي 

 

وايضا الابحاث لقت ان الستات الي بتحمل وهما بيرضعو عندهم نسب اعلي بكتير في الحمل في توام والسبب راجع لزيادة نسب هرمون ادرار اللبن وهو البرولاكتن وايضا الاستروجين 

 

واخيرا فرص الحمل في توام بتكون اعلي عند الستات الي كانت بتاخد اقراص منع الحمل .. وبتكون اعلي بعد شهر من ايقاف الحبوب دي .. ودا راجع لان جسم الست بيبداء ينتج كميات اعلي من هرمونات الخصوبه من اول وجديد

 

طيب بعد ما شرحت الامور الطبيعيه دي .. خلينا نتكلم عن الطرق الدوائيه لزيادة وضمان حدوث حمل في توام .. 

 

اولا استخدام منشطات التبويض زي دواء الكلوميد ودا بيساعد في افراز نسب اعلي من هرمون الاف اس اتش اي اتكلمنا عنه في البدايه

 

ثانيا استخدام حقن تفجير الخصوبه زي دواء الفوستيمون والي بيحتوي علي هرمون الاف اس اتش واستخدام دواء الابيفاسي والي بيحتوي علي هرمون ال ال اتش 

 

اخيرا عندنا الحقن المجهري والتلقيح الصناعي في المعمل ولكن الموضوع دا بيكلف كتير جدا .. والتلقيح الصناعي بينقسم الي نوعين .. اول نوع بيتم فيه زرع حيوان منوي داخل رحم الست وقت التبويض .. وتاني نوع بيتم فيه سحب بويضه وسحب حيوان منوي ذكر وتخصيبهم في المعمل ومن ثم ذرعهم في الرحم  

 

النهايه