![](https://muscleoverdose.com/wp-content/uploads/2023/04/اوعي-تنضف-بعد-كورس-الهرمون-قبل-متشوف-الفيديو-دا.jpg)
اوعي تنضف بعد كورس الهرمون قبل ما تقراء المقال دا ..
بتبدأ تدخل في سايكل هرمون وبتلاقي ان كباتن كتير بيقنعوك انك لازم تعمل تنضيف كل كام شهر علشان تنشط الخصية وتريح جسمك .. بس هل دا صحيح؟؟
للاسف الكلام دا من أخطر الحاجات الي بيعلمها اللاعيبه والي بتسبب مشاكل كتيره جدا .. خطر جدا كل شويه تاخد هرمون وتوقع نسب الهرمونات في جسمك وترجع تاني تاخد هرمون وتعيد العك دا كتير .. متستغربش من كلامي وكمل المقال اللاخر
طيب ليه انا ضدد البي سي تي .. ؟؟
هل انا ضد التنضيف في المجمل .. ؟؟
اكيد لا .. انا ضد التنضيف في حالة واحدة .. وهي انك تنضف وترجع تاخذ هرمون تاني .. تلاقي نفسك تمام في السايكل، وظغط دمك ممتاز، واول ما تسيب السايكل، الضغط يضرب فالسماء !! طب ليه؟؟
وفي نفس الوقت لما ترجع تاني علي السايكل ممكن ضغط دمك يرجع يضرب تاني ف السماء !! برده ليه؟؟
تلاقي حساسية الانسولين عندك تمام جدا وجسمك مشدود وعمليات الايض والحرق ممتازه وانتا علي السايكل .. واول ما تسيب السايكل كل دا يبوظ وتعبي دهون وجسمك يتدهور وأوقات ناس بيجيلهم مرض السكر من التنضيف
كنت بتكلم مع صديق ليا امبارح، كان بيشتكي من القصه دي انه بيبقي تمام في السايكل ومبيضطرش ياخد ادوية حمايات كتير ومجرد ما يسيب السايكل، الضغط بيبوظ والسكر بيبوظ والدنيا بتخرب، خليني افهمكم ليه دا بيحصل ..
اول شئ خلينا نتكلم عن ضغط الدم
القصه دي بتحصل لما السوائل الي موجوده حولين القلب تتغير بشكل سريع ومفاجئ سواءً بالزياده او بالنقصان، واحنا عارفين ان معظم الهرمونات بتحبسك مايه، جزء من احتباس المايه دا بيكون حولين القلب، والحاله دي بيسموها في الطب myocardial fluid retention
او
myocardial edema
فالقلب بيضطر يشتغل بقوة اكبر بكتير عن الطبيعي، وفي نفس الوقت لما تسيب السايكل السوائل المحبوسه حولين القلب بتنزل بسرعه، واحنا اتنفقنا قبل كده في كل فيديوهاتي ولايفاتي ان اي حاجه بتتحط علي جسمك او بتنزل بسرعه من جسمك غلط وخطر علي صحتك، ممكن تلاحظ الموضوع دا ف لاعبي كمال الاجسام الي في وسط الكلام تلاقيهم بياخدو نفس سريع ما بين انفاسهم الطبيعيه علشان يقدرو يكملو كلام، من الناس الي شوفت الموضوع دا فيهم عندك :
جوردون بيترس – Jordan Peters
ماركوس رول – markus ruhl
ميلوش سارشيف – milos sarcev
التلاته دول اسامي كبيره جدا فالمجال وبيتابعو الاوليمبينز فقط، طبعا احتباس المياه دا ممكن تغير طبيعه عمل قلبك للابد واحساسها بشع اصلا لما تحصل بشكل مبالغ فيه وبتكون زي كان حد قاعد فوقك خصوصا لما بتتنفس لان الرئه بتتنفخ وبتضغط علي القلب الي اصلا مضغوط من السوائل
كمان انخفاض السوائل في جسمك بالشكل السريع دا ممكن يسبب جفاف وفقدان للسوائل والمعادن ويعرضك لحدوث جلطات لأن بلازما الدم انخفضت ودا يخلي خلايا الدم تلتحم وتمسك في بعضها وممكن كتلة الدم دي تسد شريان او وريد
ودا سبب من ٥٠ مليون سبب تاني ممكن اشرحهملك يفسرو ليه انا ضدد ال pct، طالما قررت تاخد هرمون انا بفضل انك تمشي علي بروتوكول او طريقة ال blast/cruise وهتكلم عنها في مقال لوحده قريب
فبلاش تفشخ جسمك بانك تاخد هرمونات وتقوم وتفشخه تاني بانك تصفر كل هرموناتك الداخلية والخارجية وتوقع كل عمليات الايض والعمليات الفسيولوجية وتخش في حالة نفسيه قاسيه وتبقي بدون اي هرمونات وبدون حتي خصوبه
كمان انتو فاهمين الهرمونات غلط شويه وخالطين احساس الجرعات العالية من المارجوانا والحشيش وكل الافيونات بالجرعات العالية من الاندروجينز، مستقبلات الهرمونات خصوصاً الاندروجينز مختلفه جدا عن مستقبلات النواقل العصبيه، يعني كمثال؛
شربك لقهوه كتير او افيونات مثلا هيخلي مستقبلات النواقل العصبيه الي بتتعامل مع المركبات دي ف دماغك حساسيتها تضعف ودا بنسميه desinstizing او ال down regulation ودا بيحصل من التحفيز الكتير للمستقبلات دي علي فترات طويله ودا بنسميه بال up regulation
ضعف الحساسيه دا بيحصل بسبب كيمياء وتصميم خلايا جسمك ومستقبلاتهم ، لان الجسم دايما عاوز يرجع لحالة توازن homeostasis، الموضوع مختلف بالنسبة للهرمونات الاندروجينيه هو مش مختلف وبس هو العكس تماماً..
بمعني انه بيشتغل بطريقه the more .. the more ، بمعني the more milligrammes, the more androgen receptors..
كل ما تزود اندروجينز كل ما تزود تخليق أو تواجد مستقبلات الاندروجينز دي علي جدران الخلايا وكل ما نسبة اكتر حصلها تحفيز او قدرت توصل لداخل الخلايا وتتخترق الانفلوب الي موجود فيه حمضك النووي وتعدل عليه وتخليه يدي الأوامر بتعديل مستويات النيتروجين ورفع مستويات تخليق البروتين في عضلاتك، لذلك الجماعه بتوع هعمل pct علشان احافظ علي حساسية مستقبلاتي، دول عايشين في البطيخ
انتا عندك طريقين تمشي فيهم يا اما طريق الجرعات الخرافيه والمستقبلات الكتير جدا ولكن جسمك مش في حاله صحيه خالص، او جرعات متوسطه ومستقبلات متوسطه ولكن جسمك ف حاله ممتازه، وصدقني البودي بلدنج لازمله جسم حالته الصحيه كويسه .. والمكنه النصيفه بتطلع قماش نضيف
تحياتي ك/ محمد مصطفي
Hi, this is a comment.
To get started with moderating, editing, and deleting comments, please visit the Comments screen in the dashboard.
Commenter avatars come from Gravatar.