![](https://muscleoverdose.com/wp-content/uploads/2023/10/insulin2.jpg)
افضل نوع انسولين لبناء العضلات (Lantus VS Humalog VS Humalin R)
في المقال دا هعرفك الفرق بين انواع الانسولين هل تستخدم لانتوس ولا هيمالوج ولا هيمالين ان .. وكمان هعرفك تفضيلاتي الشخصيه واكتر نوع مناسب لاستخدامه في بناء العضلات بالجرعات فيلا بينا
مبدئيا ده الانسولين تم اختراعه سنة 1921 وتم استخدامه علي البشر اول مرة سنة 1922 .. في الاول كان تصنيع الانسولين صعب جدا ولكن حاليا مع وجود تكنولوجيا اعادة تركيب الحمض النووي المعروفه ب rDNA .. الموضوع اصبح سهل جدا .. حيث انه بيتم بناء التسلسل الجيني البشري للانسولين في المعمل ومن ثم بيتم وضع الجين دا دخل نوع بكتيريا معين ومن ثم وضع البكتيريا داخل ألة تخمير ومن هنا البكتيريا بتبداء تنتج الانسولين البشري ومن ثم بيتم تصنيفه وتصفيته وتعقيمه وتعبئتة وبيعه حسب نوعه
طيب ايه هي انواع الانسولين اصلا؟؟
الانسولين بينقسم الي 4 انواع اساسيين وهما كالاتي :
- اولا (الانسولين السريع – fast acting)
ودا بيشمل 3 انواع وهما كالاتي :
(هيمالوج – Humalog) ودا نوعه (insulin lispro)
(نوفولوج – Novolog) ودا نوعه (insulin aspart)
(ابيدرا – Apidra) ودا نوعه (insulin glulisine)
- ثانيا (الانسولين القصير – short acting)
ودا بيشمل نوعين وهما كالاتي :
(هيمالين ار – Humulin R) ودا نوعه (regular insulin)
(نوفالين ار – Novolin R) ودا نوعه (regular insulin)
- ثالثا (الانسولين المتوسط – Intermediate acting)
ودا بيشمل نوعين وهما كالاتي :
(هيمالين ان – Humulin N) ودا نوعه (NPH insulin)
(نوفالين ام – Novolin N) ودا نوعه (NPH insulin)
- رابعا (الانسولين طويل المفعول – long acting)
ودا بيشمل 3 انواع وهما كالاتي :
(لانتوس – Lantus) + (تويجيو – Toujeo) + (بازيجلار – Basaglar) ودول نوعهم (insulin glargine)
(ليفيمير – Levemir) ودا نوعه (insulin detemir)
(تريزيبا – Tresiba) ودا نوعه (Insulin degludec)
ولكن اشهر 3 منتجات للانسولين بيتم استخدامه في كمال الاجسام هما لانتوس + هيمالوج + نوفولين ار
طيب ايه الفرق بين انواع الانسولين ؟؟
الفرق بين كل الانواع الي انا ذكرتها دي هي في عمر النصف بتاع كل واحد فيهم وفترة تواجده الكامله في الجسم وامتي بيوصل لاعلي مستوي في الدم وامتي بيتم طرده من الجسم وامتي بيبداء يشتغل في جسمك من الاساس .. ولو ترجمتلك الي انا قولته دا لمصطلحات من علم استخدام الدواء او الفارماكولوجي فحقيقي مش هتفهم اي حاجه ..
يعني هديلك مثال سريع علي الفرق بين اشهر 3 انواع انسولين بيتم استخدامهم في كمال الاجسام من المحترفين وهما الهيمالوج واللانتوس والهيمالين ار.. اللانتوس بيبداء يشتغل في جسمك خلال ساعه وفترة تواجده في الجسم هي 24ساعه ومن ثم بيتم طرده وملوش peak بمعني انه ملوش وقت بيوصل فيه لاعلي مستوي في الدم .. وانما بيفضل ثابت في الدم علي مدار اليوم بدون اي تقلبات
وكمان عندنا الهيمالوج .. الهيمالوج بيبداء يشتغل في الجسم خلال 10 الي 15 دقيقة وفترة تواجده في الجسم هي من 3 الي 5 ساعات وبعدها بيتم طرده وبيوصل لاعلي مستوي في الدم خلال ساعه الي 3 ساعات ولذالك لازم نغطي فترة بداية عمله في الجسم بالنشويات ونغطي كمان فترة وصوله لاعلي نسبه في الدم بالنشويات مره اخري
واخيرا عندنا نوفولين ار وانا عن نفسي مبحبش النوع دا من الانسولين.. النوع دا معمول علشان يبقي مطابق لعمل الانسولين الداخلي في الجسم بمعني انه بيوصل لاعلي نسبة في الدم مرتين .. ودي حاجه مش مريحه خالص بالنسبالي ومنقدرش نستخدمه اكثر من مره في اليوم والا هتلاقي نفسك رسمت زوحليقة من ارتفاع وانخفاض مستويات الانسولين ودا بيعمل مشاكل .. علي عكس الهيمالوج المريح في استخدامه والنوفالين ار بيبداء يشتغل في خلال ساعه وبيوصل لاعلي مستوي في الدم خلال 4ساعات وبيخرج من الجسم خلال 14 ساعه .. ولو هنستعمله ف لازم نستعمله قبل الاكل بنصف ساعه علي الاقل بحيث يبداء يشتغل مع بداية اكلك للوجبه
وعاوزك تعرف كمان ان الانسولين بيستجيب لتناول النشويات بشكل مختلف عن استجابته لتناولك للبروتين .. حيث انه في حالة تناولك للنشويات البنكرياس بيفرز الانسولين علي مرتين في حاله بنسميها بال (Biphasic release of insulin) .. ولو مركز معايا هتعرف ان هي دي طريقة عمل النوفالين ار والي قولت انه مطابق 100% لطريقة عمل الانسولين الداخلي في الجسم وانه بيفرز علي مرتين وبالتالي بيوصل لاعلي نسبه ليه في الدم مرتين برده .. واستجابة الانسولين للبروتين لوحده بدون نشويات بتبقي مختلفه شويه .. حيث انك لو خلصت تمرين وشربت شيك بروتين فقط مفيهوش كارب كمثال او كلت وجبه بروتين بس بدون كارب الانسولين بيتم افرازه مره واحده في حاله بنسميها بال (monophasic relese of insulin)
طيب هل جرعات الانسولين لمرضي السكر مختلفة عن الجرعات المستخدمه في كمال الاجسام ؟؟
مظبوط الجرعات مختلفه تماما .. وكمان لما تيجي تقراء تقارير وتوصيات منظمة الغذاء والدواء لاستخدام انواع الانسولين هتلاقي اختلاف جذري ما بين توصياتهم لمرضي السكر وما بين استخدامك للهرمون دا علي أرض الواقع كشخص رياضي .. كمثال علي انسولين الابيدرا ودا انسولين سريع المفعول نوعه (glulisine insulin)
في تقريرات الشركه المصنعه والي هي شركة سانوفي في الحاله دي ومن التجارب الي تعملت وقت تصنيع النوع دا من الانسولين هتلاقي ان بداية عمل الدواء دا هي 15دقيقه .. ولكن انتا كشخص رياضي لو استنيت ال 15دقيقه دول بعد ما تحقن الابيدرا هتلاقي نفسك بدأت تهبط وتخش في انخفاض حاد في سكر الدم .. طب ليه الكلام دا بيحصل؟؟
دا بسبب ان الأبحاث الي اتعملت علشان يتحدد بناء عليها عمر النصف بتاع الهرمون الي هي (Half life) وفترة بداية عمل الهرمون الي هي (onset of action) .. اتعملت علي ناس مرضي سكري .. بمعني ان تمثيل جسمهم للنشويات مختلف تمامًا عن تمثيل جسمك كشخص رياضي للنشويات .. وحساسية مستقبلات الانسولين مختلف تمامًا عنك برده كشخص رياضي.. وحساسية نواقل الجلوكوز المعروفه ب (GLUT transporters) مختلفه تماماً.. ومخازن الجليكوجين مختلفه بين الاتنين لاختلاف نسبة العضلات الي بتقدر تستحمل كميات جلوكوز اعلي بكتير.. ولذلك بنلاقي اختلاف رهيب ما بين الورق وما بين الواقع .. لذلك احنا بنبدا دائما بالابحاث والدراسات ولكن بنعدل وفقاً للمعطيات والسياق !!
وكمان لما تستخدم انسولين خارجي لانتوس او هيمالوج مينفعش تبقي 100% carb loaded طول الوقت او بالعربي مينفعش تبقي معبي نشويات علي اخرك طول الوقت.. دا هيسرع من فقدانك لحساسيه الانسولين فالخلايا والعضلات.. وانا فلسفتي فالنقطه دي مع العملاء بتوعي بتكون اني دايما بحاول اني اخليهم يبقو 80% فقط محملين كارب وكمان نحاول ن deplete الجليكوجين في جسمهم كل اسبوع ونعطش الخلايا للسكر ونضف الجسم ومجري الدم من المغذيات والسكر .. بالمناسبه دي ايه اكتر مصدر كارب بتحب تاخده سواء كنت طبيعي او بتاخد انسولين ؟
تحياتي ك.محمد مصطفي