![](https://muscleoverdose.com/wp-content/uploads/2023/05/اسباب-انقطاع-الدوره-الشهريه-واهمية-الاستروجين-في-جسد-الست-والرجل.jpg)
اسباب انقطاع الدورة الشهريه وأهمية الاستروجين..
طول عمرنا متعودين نسمع ان هرمون الاستروجين هو هرمون الانوثه فقط وانه موجود عند النساء فقط .. وان هرمون التستوسترون هو هرمون الذكوره فقط وموجود عند الرجال بس .. في مقال النهارده هنكسر الخرافات دي وهعرفكم حاجتين مهمين وهما ان
1 – الاستروجين موجود عند الذكور زي ما هو موجود عند الاناث وان
2- التستوسترون موجود عند الاناث زي ما هو موجود عند الذكور
وهنعرف دور الاستروجين تحديدا عند الذكور ودور التستوسترون عند الاناث .. فيلا بينا
مبدئيا كده الاستروجن ليه 3 اشكال في جسم البشر وهما كالاتي
1- استريول
2- استرون
3- استرادول
ويهمنا من التلات اشكال دول “الاسترادول” لانه اقوي واحد فيهم وهو الي بيعبر عن صفات الاستروجين بشكل واضح وصريح .. ف لما تسمع حد بيتكلم عن الاستروجين بصيغه الاسترادول ف مش عاوزك تستغرب لانهم شئ واحد .. وفي الحقيقه ان الاستروجين فعلا هو هرمون الانوثه ودا مش من فراغ .. وانما بسبب انه الهرمون المهيمن في جسد النساء وعلي الصعيد الاخر فالتستوسترون هو الهرمون المهيمن في جسد الرجال .. ولكن الرجال والنساء عندهم استروجين وتستوسترون في اجسامهم والي بيخلف فقط هو نسب تواجد الهرمونات دي في اجسامهم .. حيث ان الرجال عندهم هرمون تستوستترون اعلي من النساء بمراحل ووالنساء عندهم نسب استروجين اعلي من الرجال بمراحل
والاستروجين والتستوسترون بيساهمو في تمثيل الجينات بشكل كبير وليهم اليد العليه في اظهار الصفات الانوثيه او الذكوريه .. كمثال الست مبيحصلهاش الدوره الشهريه والتبويض من فراغ وانما بسبب وجود هرمون الاستروجين الست متطورش عندهم الصدر من فراغ وانما بسبب وجود هرمون الاستروجين .. لدرجه اننا لو جبنا راجل وزودنا نسب الاستروجين عنده هنلاقي انه بداء يظهر عليه صفات انثويه زي كبر حجم الصدر وزيادة تخزين الدهون
ولو جبنا واحده ست وادينها وزودنا نسب التسوسترون عندها هنلاقي ان بداء يظهر عليها اعراض ذكوريه زي خشونة الصوت ونمو الشعر وزياده في نسب العضلات
والنسب الطبيعيه للاستروجين عند الرجل هي من 10 الي 40 (pg/ml)
الاستروجين مهم جدا للرجل زي ما هو مهم جدا للست ومهم للرجل في امور كتيره جدا خلينا نذكرها بالتفصيل
1- مهم في حماية العظام من التدهور والتأكل والضمور
2- مهم في تخليق وافراز الحيوانات المنويه من الخصيتين
3- مهم في تحديد جودة الانتصاب وتحديد قوة الرغبه الجنسيه عند الرجل
4- مهم في حماية الخلايا العصبيه والدماغ من التسمم والتدهور وامراض فقدان الذاكره والخرف
5- مهم في حماية القلب والشرايين والاورده والحفاظ علي ضغد الدم
6- مهم في الحفاظ علي جودة وحماية قرنية وخلايا العين ولذالك واحد من اكثر الاعراض المصاحبه لمضادات الاستروجين هو خلل في الروئيه
7- مهم في الحفاظ علي جودة المزاج العام حيث انه بيقدر يأثر بشكل مباشر علي النواقل العصبيه زي السيروتتونين
8- مهم في الحفاظ علي صحة ونضارة البشره والجلد وتخليق الكولاجين
ولذالك بنلاحظ ان الستات بتتعيش اكتر من الرجاله ودا راجع لسبب واحد وهو وجود نسب استروجين اعلي عند الستات وبنلاحظ دائما ان الستات حالتهم الصحيه بتدهور بعد انقطاع الدوره الشهريه وانقطاع الدوره دا مش من فراغ وانما بسبب ضعف وانخفاض حاد في افراز هرمون الاستروجين وبعد ما دا بيحصل بنبداء نلاحظ ان نظرهم تدهور وجلدهم تدهور وصحة قلبهم واعضائهم الداخليه تدهورت وبدئو يدخلو في امراض خشونه مفاصل ضمور للعظام ومن هنا نقدر نعرف قوة وقدرة الهرمون دا علي حماية اجسادنا .. ف كرساله اخيره ليك كراجل تخرج بيها من الفيديو دا .. هرمون الانوثه مش حكر علي الستات ومش المفروض انك تكرهه ومن المهم ان تحافظ علي نسب جيده ومتوازنه منه في جسمك كراجل
وكرساله اخيره للستات .. لازم تفكرو بجديه في العلاج البديل للهرمون بعد انقطاع الطمث والعلاج دا بيكون بتناول نسب بتقدر تبدل الانتاج الطبيعي من هرموناتك ك ست ودا هيرجعلك رغبتك الجنسيه ونضارة جلدك وبشرتك وجودة حياتك ككل
تحياتي ك/ محمد مصطفي