اوعي تستخدم مكملات الاوميجا قبل ما تقراء المقال دا ..

عمرك سألت نفسك ايه الفرق بين الاوميجا6 والاوميجا3 ؟؟ 

طب هل دي حاجه المفروض تشغل بيها نفسك اصلأ ؟

دا سؤال مقال النهارده وهنجاوب عليه بشكل دقيق ومفصل وهطلعك من الفيديو دا عامل دكتوراه في الفروق بين  الاوميجا 3 والاوميجا6 وانهي افضل لصحتك يلا بينا 

كنت اكلمت قبل كده بشكل مستفيض عن الدهون وخصوصا دهون الاوميجا 3 وشرحت افضل مصادرهم والفرق بين الدهون المشبعه والغير مشبعه في المقال السابق

في المقال دا خلينا نتلكم بالتفصيل عن الفرق بين انواع دهون الاوميجا  ونشوف انهي فيهم اهم من التاني ودا هيسمحلك تختار مصادر اكلك بعنايه فائقة لانك هتبقي عارف انا بتدور علي ايه بالظبط وعاوز تحصل انهي شكل من اشكال الاوميجا ومحاج قلل من انهي شكل فيهم

كنت شرحت في فالمقال الي فات ان دهون الاوميجا3 بتنقسم الي 3 انواع ولكن في الحقيقه ان دهون الاوميجا ليها 11 شكل ونوع ولكن 3 فقط هما المهمين لينا والي ليهم فائدة للبشر وهما كالاتي 

1- حمض الإيكوسابنتاينويك – eicosapentaenoic acid ودا بنختصره الي EPA

2- حمض الدوكوساهكساينويك – docosahexaenoic acid ودا بنختصره الي DHA

3- حمض حمض ألفا-اللينولينيك – Alpha linolenic acid ودا بنختره الي ALA

وحاليا جه الوقت الي نفهم فيه الفرق بين التلات انواع دول من دهون الاوميجا وانهي افضل .. لان في الحقيقه ان مش كل انواع دهون الاومجيا متساويين في القيمة الغذائية والمميزات الي بيقدموها للصحة 

دهون ال EPA وال DHA بنقدر نحصلها من الحيوانات في حين ان دهون ال ALA بنقدر نحصلها من النباتات والخضروات والبذزور والزيوت

وطبعا دهون ال EPA وال DHA اهم بكتير من دهون ال ala .. وبالمناسبه دهون ال ala لازم تخضع لعمليات معقدة جدا في الجسم علشان تتحول في الاخر للشكل الاساسي من الاوميجا3 وهو EPA و DHA .. 

والحقيقه ان احنا في العصر الحديث بنحصل علي كميات كبيرة جدا من ال ala من اكلنا المليان زيوت نباتية وزيوت بذور زي زيت الكانولا وعباد الشمس وزيت الذرة ودا لان اكلنا كله بقي معتمد على استخدام الزيوت دي ودا بيخلينا نحصل كميات كبيره جدا من دهون ال ala ولكن فقط 10% من الدهون دي بتتحول في الاخر الي epa  و dha 

ولكن دا مكنش حال البشر علطول وانما بعد اختراع الدهون المهدرجة والزيوت النباتيه الشركات اطلقت حملات تسويقيه رهيبه علشان يخلو الناس تقتنع ان دهون الحيوانات المشبعة خطرة وان الاصح هو تناول الدهون الغير مشبعة ولكن دا بعيد كل البعد عن الصح والحقيقه وللاسف الشركات دي ميهمهاش غير المكسب فقط وطز في صحتك كفرد و طز في صحتنا كمجتمع ومن ساعتها وبقينا كمجتمع بنعتمد علي الزويت دي في تحصيل الدهون واهملنا بشكل كامل الدهون المشبعة والي البشر بقالهم آلاف السنين عايشين عليها 

وبرده من ساعة ما بدأنا نستهلك الزيوت دي واحنا بنعاني حاليا من الزيوت دي وبنشوف المعاناة دي في الارتفاع الهائل في الموت من تراكم الكوليسترول الضار الي بيجي من زيوت البذور والخضروات والي بيحصل منه مشاكل في الاورده والشرايين وارتفاع ف ضغط الدم وجلطات وامراض الخرف وفقدان الذاكره…. 

وفوق كل دا فالزيوت الي بنسهلكها دي مليانه بدهون الاوميجا6 ودي دهون بتسبب التهابات واكسده وحساسية من جهاز المناعة وحبوب وأمراض الجلد وأمراض كتير في الجسم والقلب والشرايين تحديدا وفوق دا فدهون الاوميجا6 بتتنافس مع الانزيمات والمسقبلات الي دهون ال ala  بتحتاجها علشان تتحول للشكل النهائي من دهون الاوميجا3 ف للاسف انتا كده بتستهلك كميات قليله جدا من دهون الاوميجا3 وكميات مهولة من دهون الاوميجا6

وبالمناسبه من اهم الاشياء الي ممكن تعملها في حياتك علشان تزيد من صحتك هو موازنة نسبة الاوميجا3 الي الاوميجا6 والنسبه دي بتكون 2:1 بمعني انك ستهلك ضعفين النسبه من الاوميجا3 الي الاوميجا6 كمثال لو هتستهلك 1جم اوميجا6 في اليوم اذن هنسهلك قصاده 2جم اوميجا3 كحد اقصي  .. 

وفي عصرنا الحالي وبسبب تناول اصناف الأكل الخاطئة و الكميات المهولة من زيوت البذور فالابحاث لقت ان النسبة ما بين الاتنين دول عند 90% من البشر هي 16 الي 1 … وكمثال علي الكلام دا فالشخص العادي في وقنا الحالي بيتناول في اليوم 1جم من الاوميجا3 وقصادها بيتناول 16جم من الاوميجا6 ودي مصيبه سوده 

ماتخليش الإعلانات تخدعك بان الزيوت دي صحيه ليك .. الزيوت دي بتتأكسد من وهي في المصنع وبفضل تتأكسد وهي علي الرفوف في السوبرماركت وبتتأكسد اكتر واكتر لما تتعرض للاوكسيجين وللحراره .. وكل دا فالاخر بيدخل جسمك .. ويسببك بلاوي سوده ..  

ف لو بتعاني من بشره ومشاكل في الجلد ومشاكل في المناعة الذاتية ومشاكل في الهضم والمعدة ومزاج عام سئ واكتئاب جرب تزود من الاوميجا3 وتقلل من الاوميجا6 واوعدك هتشوف نتائج تبهرك ودا لانك هتقلل الاكسده والالتهابات وهتوفر دهون الاوميجا3 بكميات كويسه ودا هيسمح بتصنيع وتخليق وتوفر بيئه خصبة لحماية الخلايا وجدرانها ونقل المغذيات للداخل وصنع الطاقة اللازمة لتنظيف جسمك وشرايينك وجلدك وخلايك العصبية وحمايتهم