يلا بينا نكمل سلسلة شرح وتنظيم جرعات وسايكل السارمز مجانا علي موقعي الرسمي .. والمرادي هنتكلم عن (الليجاندرول – Ligandrol) وهو معروف ايضا بأسم اخر (LGD-4033) وليه ايضا اثم اخر (VK5211)

 

الليجاندرول هو واحد من اهم واشهر السارمز الي بيتم استخدامهم في جميع الرياضات حاليا خصوصا في كمال الاجسام .. الليجاندرول تم انتاجه من شركة (Ligand Pharmaceuticals) لعلاج هشاشة العظام وتحلل وضعف العضلات وحاليا بيتم تطوير الليجاندرول من شركة (Viking Therapeutics) 

 

الليجاندرول خضع لعدة تجارب سريرية وابحاث وقدر يثبت قوتة في بناء العضلات .. وقدر يثبت قوتة حتي في اقل الجرعات استخداما .. وكمان في الدراسات لقو ان المشاركين تحملو الليجاندرول بشكل جيد .. ولكنه كان اقسي من باقي السارمز زي الاوستارين كمثال 

الليجاندرول هو اول من اكثر السارمز الي بيتم استخدامها في فترات الضخامة ومن قوتة توقع ان تزيد من 6 الي 7 كيلو في ظرف 12اسبوع فقط .. ولكن توقع انه يسببلك احتباس في الماء بسيط .. يعني من ال 7 كيلو الي هتكتسبهم غاليا هيكون في منهم كيلو عباره عن احتباس مايه فقط وهينزل بعد انتهاء السايكل 

 

بالنسبة لخسارة الدهون فالليجاندرول مبيتمش استخدامه في سايكل التنشيف بالعكس هو هيحبسك مايه وهيخليك تبان في نسبة دهون اعلي .. ولكنه هيحافظ علي عضلاتك لو تم استخدام اثناء فترات التنشيف لانه هيزود من تخليق البروتين وزيادة النيتروجين في العضلات 

 

الليجاندرول هيزود من قوتك بشكل رهيب .. اكتر من اي سارمز تانيين .. وخلال سايكل الليجاندرول هتقدر تشيل اوزانك عمرك ما كنت تتخيل انك تشيلها .. وهتقدر تشيلها لعدات كتير ومجاميع اكتر .. ونفسك وقدرتك هتخليك تفضل ساعات في الجيم بطاقة رهيبه ..كمان فهو هيخليك تحس بالنشوة وانتا بتتمرن والسعادة من البامب ومن تأثيره على كيمياء دماغك وعلي النواقل العصبية خصوصا الدوبامين

 

الليجاندرول هيقوي من عظامك وهيزود من كثافة المعادن فيهم ودا تم اثباته في الدراسات الي اتعملت عليه حيث انه تم تصميمه في الاساس حتي يكون علاج لهشاشة العظام .. وايضا يقال انه بيحسن من قوة المفاصل عن طريق زيادة اللزوجه حوليهم وبيمنع الاصابات 

 

الليجاندرول هيخلي استشفائك اعلي بكتير .. فهتقدر تتمرن ايام اكتر بقوه اعلي بدون الاحساس بالالم الناتج عن التمرين والي بيحصلك تاني يوم .. وايضا هيخليك تحس ب بامب مرعب في الجيم قريب من بامب الانسولين .. 

 

نيجي بقي لاضرار الليجاندرول .. المركب دا هيسبب قمع علي الخصية والغدة النخامية اكثر من باقي السارمز وطبعا كلنا عارفين انه اذا تم قمع هرمون التستوسترون في جسد الرجل ممكن يحدث الأعراض الاتيه:

  • انخفاض الرغبة الجنسية 
  • ضعف الانتصاب  
  • الشعور بالحساسية 
  • ضعف الشغف والمجهود
  • تقلص وانكماش حجم الخصيتين
  • زيادة نسب الكوليسترول السئ وانخفاض نسب الكوليسترول الجيد

 

هتيجي بقي حضرتك تقولي كلامك غلط .. انا بقالي اسبوع بستخدم الاوستارين وحاسس اني حصان .. هقولك دا بسبب انك لسه في اول فترة الاستخدام .. معروف عن السارمز قدرتها علي تقليل نسب ال (SHBG) ودي بروتينات بترتبط بالتستوسترون وبتقلل من تواجده بصوره حره في الدم وبالتالي زيادة التستوستيرون الحر في الدم وبالتالي زيادة الرغبة والقدرة موقتأ .. ولكن كل دا هينخفض جدا بعد اسبوعين حيث ان نسب التستوسترون في الدم هتكون انخفضت وجسمك مش هيقدر يفرز تستوسترون من تاني

 

من الحاجات الغريبة الي بتحصل عند استخدام الليجاندول هو اعارض شبيهه بالبرد او الانفلونزا او التهاب الجهاز التنفسي ودي بتفضل من 3 الي 5 ايام وبتروح لحالها ومحدش فاهم هي ليه بتحصل 

 

نيجي بقي لجرعات الليجاندرول .. مبدئيا عمر النصف للمركب دا هو من 24 الي 36 ساعة .. ولذالك تقدر تستخدمة مره واحده في اليوم ودا هيحافظ علي نسب الهرمون دا ثابتة في الدم علي مدار الاسبوع وعلي مدار السايكل 

 

  • جرعات الليجاندرول للرجال هي من 10مج الي 20مج 
  • جرعات الليجاندرول للنساء هي من 5مج الي 10مج

 

وسايكل الليجاندرول يفضل ان لا تتعدي ال 8-12 اسبوع 

 

بالنسبة للحمايات فهنستعمل الاتي :

  • الاوميجا-3 – Omega3
  • انزيم كيو10- Q10
  • اسيتيل سيستين – NAC
  • تودكا – TUDCA
  • السليمارين – Silymarin


اخيرا بالنسبة للتنظيف .. انا بستخدم 3 مواد وهما كالاتي : 

  • البرجنيل – HCG بجرعة 1250يونت 3 مرات في الاسبوع لمدة شهرين
  • الفوستيمون – FSH بجرعة 75يونت مره في الاسبوع لمدة شهرين
  • النولفاديكس – tamoxifen بجرعة 20مج يوميا لمدة شهرين 

 

ومن ثم بعمل تحاليل علي الاتي :

  • التستوسترون – test total & free
  • الاستروجين – E2
  • البرولاكتن – prolactin
  • هرمونات الغدة النخامية – (LH + FSH)

علشان اطمن ان كل شئ رجع يشتغل بشكل طبيعي ..

 

تحياتي ك محمد مصطفي .