في هذا المقال سأقوم بشرح محفزات (الجلوكاجون – GLP1) بالجرعات وميكانزيم العمل وطبيعة الدواء وقدرته علي علاج السمنة وحرق الدهون والمساعده في علاج مرض السكر النوع الثاني

victoza vs saxenda vs ozempic vs mounjaro

قبل ما اشرح طبيعه وميكانزم عمل الادويه دي خليني اذكرلكم اساميهم وعائله الدواء الي بينتمو ليها ، الادويه دي بينقسمو الي ثلاث ادويه اخوات متشابهين في طريقه العمل ولكن مختلفين في فتره التواجد فى جسمك واسمهم العلمي هو (glucagon like peptide 1 agonists)
وليها اسم تاني برده والي هو (incretin mimietics) او مقلدات الانكرتينات

والانكرتينات دول فالاساس هرمونات معدية معوية بمعني انها بتتواجد في المعدة وبتحفز خفض مستويات الجلوكوز وزيادة كمية الانسولين الي بيفرزه البنكرياس بعد الاكل بس مش دا موضوعنا ، المركبات دي بتقدر تفعل ببتايد اسمه شبيه الجلوكاجون1 (glucagon like peptide 1 agonists)

والبيبتايد دا عندنا حالياً 5 انواع هذكرلكم اكتر 3 انواع مشهورين فالعالم حالياً :

1-اول مركب هو ال Liraglutide وبيتصنع باسم  victoza

2-ثاني واحد هو ال Dulaglutide وبيتصنع باسم trulicity

3-ثالت هو Semaglutide وبيتصنع باسم ozempic

خلينا ناخدهم واحد واحد علشان تقدرو تفهمو الفروق ما بينهم، خليني الاول اذكرلكم فترات تواجد الادويه دي ف الجسم او بتقعد قد ايه في الجسم وبعدها تخرج، عندنا اول نوع الي هو (victoza) دا بيقعد لمده 24ساعه في الجسم ولازم يتاخد بشكل يومي، تاني نوع (trulicity) ودا بيفضل في جسمك 5 ايام، واخر واحد (ozempic) بيفضل في الجسم من 5 ايام الي اسبوع كامل، فانا بفضل الاوزيمبيك والترولاسيتي عن الفيكتوزا لانك هتحقنهم كل اسبوع بالكتير، فالاستخدام بتاعهم مريح وسهل جدا بالنسبالي لانك هتاخد حقنه منه كل فتره مش كل يوم زي الفيكتوزا 

 

طيب يا شباب المركبات الي اتكلمت عنها دي للاسف لسه في مراحل انتاجها الاولي لذلك فهي غاليه جدا  فنتمني ف المستقبل سعرهم يقل ويبقو متاحين لكل الناس الي محتجاهم، وعندك مثلا الفيكتوزا بيكلف 2000ج مصري، هما بيجو علي شكل اقلام زي اقلام الانسولين كدا او اقلام المورفين والايبينفرن، السيمي والليرا بتقدر تحدد الجرعات الي عايزها من القلم نفسه لاكن الديولا جلوتايد بيجي علي شكل قلم بجرعة واحده محدده مسبقاً من الشركه بتستخدمه وخلاص كده القلم بيفضي، المركبات دي او الببتايدز دي فعاله جدا لاقصي الحدود في قمع الجوع وبتستخدم برده في علاج السكر النوع التاني كعلاج مساعد مع

1-الميتفورمين – Metformin

2-الجليميبرايد – Glimepiride

3-الدابجلوفوزين – Dapagliflozin

والي هعمل عنه مقالات كامل لوحدهم من قوتهم وحبي ليهم، المهم ان المركبات دي بتحسسك انك كلت وشبعت ومش عاوز تقرب من الاكل خلاص لانك حرفياً شبعان ومكتفي مع انك مكلتش حاجه..ازاي دا بيحصل؟

 

المركبات دي لما بتاخدها بتعمل تقليد او (mimicking) لمسارات الشبع الطبيعية الي بتحصل في جسمك بعد الاكل ، ف انتا بتفعل الهرمونات دي والمسارات دي بمجرد انك تاحد المركبات دي .. المركبات دي موجوده بشكل طبيعي في جسمك بس بنسب قليله او طبيعية ، كمان المركبات دي بتقدر تبطئ من عملية امتصاص وهضم الطعام في المعده عن طريق ابطاء حركه امعاء الاثني عشر وابطاء حركه الغازات وكمان بتعمل زي استرخاء (proximal stomach) وابطاء لتفريغ المعدة ..

 

المركبات دي بيستخدمها مرضي السكر النوع التاني علشان يقدرو يسيطرو ع وزنهم والجوع والشهية وينزلو في الوزن وكمان لاعيبي كمال الاجسام علشان يقدرو يحضرو لبطولة، ومن منظوري اقدر اقولك ان المركبات دي افضل بكثير من حوارق الدهون زي الكلينبيترول كمثال ، الي بيسبب مشاكل في القلب والجسم بشكل عام

 

ولكن لما جربو المركبات دي ع الحيوانات لقو انهم ممكن تسبب مشاكل ف هرمونات الغدة الدرقية عندهم وفالبنكرياس كمان المشاكل دي كانت عباره عن تضخماتسرطانية، ومش معروف لسه اذا كانت المركبات دي ممكن تسبب نفس المشاكل مع البشر ولا لا .. لذالك زي ما الاجانب بيقولو (take it with a grain of salt)

تحياتي ك.محمد مصطفي