حبيت تدخل عالم المنشطات ولكنك بتخاف من الحقن .. فصاحبك اقترح عليك تبداء بالسارمز .. ولكنك متعرفش اي شئ عن المواد دي .. المقال دا والسلسله دي كلها اتعملت مخصوص علشان حيث اني هشارك معاكم كل شئ يخص السارمز فتأكد انك تتابع السلسله دي بالكامل علي قناتي عاليوتيوب

 

مبدئيا كده السارمز هي اختصارا الي (Selective androgen receptor modulator) او بالعربي معناها معدلات المستقبلات الاندروجينيه .. فنفهم  من دا انها عباره عن مواد بتقدر ترتبط وتفعل مستقبلات الهرمونات الاندروجينية

 

طيب ايه هي المستقبلات الاندروجينيه دي ؟؟ 

هقولك ان هي دي المستقبلات الي بيتربط بيها الهرمونات الاندروجينية زي التستوستيرون والماسترون والترنبلون .. وعن طريق الارتباط بالمستقبلات دي الهرمونات دي بتقدر تبنيلك العضلات الي نفسك فيها وتزود من الاستشفاء ونقل المغذيات وزيادة القوة وزيادة تخليق الاحماض النووية وانقسام الخلايا وزيادة خسارة الدهون والخ من خصائص الهرمونات 

 

طيب ايه الاختلاف بين السارمز والهرمونات ؟؟

الاختلاف الجذري بين الهرمونات والسارمز هو التخصصيه .. بمعني ان السارمز معموله مخصوص علشان ترتبط بمستقبلات الاندروجينات في العضلات وفي العظام بشكل قوي جدا وترتبط بباقي المستقبلات في الجسد بشكل ضعيف جدا.. لذالك مبيحصلش منها اي تأثيرات ذكورية اندروجينية حاده زي تضخم الصوت او تساقط الشعر او تضخم البروستاتا او تضخم القلب او ظهور حبوب الجلد.. وايضا السارمز لا تتحول الي استروجين ولذالك مبيحصلش منها أي تأثيرات استروجينية انثوية زي التثدي او احتباس المياه او ضعف الانتصاب وقلة الرغبة وايضا السارمز لا تتحول الي دايهيدرو تستوسترون .. ودا علي عكس الهرمونات العاديه زي التستوسترون كمثال والي بيتحول في الجسم الي استروجين ودايهيدروتستوسترون ..

 

هل السارمز تقوم بقمع الخصوبة وقمع انتاج الهرمونات الداخليه مثل استخدام الهرمونات الاندروجينية ؟؟

صحيح السارمز تقوم بالفعل بقمع انتاج الهرمونات الطبيعية من الخصيه عند الرجل او من المبيضين عن النساء .. ودا عن طريق تعطيل اشارات الغده النخامية الي الغدد التناسلية .. ودا عن طريق تعطيل اشارات هرمونات الجونادوتروبين زي ال  (FSH) و ال (LH) .. ولكن الاندروجينات تقوم بقمع الهرمونات الداخليه والخصوبة بشكل اقوي بكثير من السارمز .. فنفهم من دا ان استخدام هرمون الديكا كمثال هيقمع الخصية بشكل اقوي من استخدام الليجاندرول

 

هل يلزم عمل تنظيف بعد استخدام السارمز ؟؟

صحيح يلزم عمل كورس تنظيف بعد الانتهاء من استخدام السارمز لاستعادة الانتاج الطبيعي لهرمونات الجسم تحديدا التستوسترون ولاستعادة الخصوبة والقدرة علي الخلفة .. ولتحفيز الغده النخامية علي استعاده الاشارات مع الغدد التناسلية 

 

هل يلزم تناول الحمايات والدواعم اثناء استخدام السارمز ؟؟

صحيح يلزم تناول جميع الحمايات المستخدمه في اي سايكل هرمونات مثل التودكا والسليمارين والاسيتيل سيستين وانزيم الكيو 10 والاوميجا3 ومضادات الاكسدة من الفيتامينات .. لحماية الجسد من اي اضرار ممكن حدوثها 

 

كيف استطيع شراء السارمز.. واين تباع؟؟

للاسف السارمز هي مركبات بحيثه فقط ولم يتم الموافقه عليها من هيئة الغذاء والدواء بالاستخدام علي البشر .. ولذالك فهي تباع في السوق السوداء فقط .. وصناعة السارمز مكلفة جدا لذالك ف 90% من السارمز في السوق السودا غير اصلي ومضروب .. 

 

كيف استطيع استخدام السارمز وهل هي حقن ؟؟

السارمز يتم تصنيعها علي شكل اقراص او شراب ولا يتم تصنيعها علي شكل حقن .. ودا سبب ان الشباب بيتجهو الي استخدام السارمز بدلا من الهرمونات .. لان مفيش حد بيحب الحقن والشكشكه وانما الاسهل هو تناول الاقراص .. ولذالك بنشوف شباب كتير بتبداء اول سايكل هرمونات ليهم ايضا باستخدام الاقراص فقط ودا خطاء كبير جدا ..

 

هل السارمز آمنة تماما للاستخدام في الرياضات ؟؟

خطاء .. جميع الادعاءات ان السارمز آمنة تمام هي ادعاءات باطلة وكاذبة وليس لها اساس من الصحه .. السارمز هي مركبات للأبحاث العلمية فقط ولانزال لا نعرف عنها الكثر لان مفيش عليها ابحاث وتجارب سريرية كافية لتوضيح مدي الضرر علي المدي البعيد من استخدامها 

 

كيف اقوم بتنظيم سايكل وجرعات السارمز ؟؟ 

تابع معايا سلسلة وبلاي لست (السارمز-SARMS) علي اليوتيوب .. حيث اني سأقوم بمشاركة جميع الجرعات والبروتوكولات لاستخدامي للسارمز سواء في بناء العضلات او خسارة الدهون او زيادة القوه