في المقال دا هشرح مركب مهم جدا مفيش حد اتكلم عنه وعن اهميته قبل كده وهو (الاراشيدونيك اسيد – arachidonic acid)، فعاوزك تركز ف الي هيتقال وفتح مخك معايا

المركب دا يعتبر حمض دهني احادي غير مشبع من عائله الاوميجا-6 ومهم جدا ف عمليه البناء العضلي،المركب دا بيكون متخزن في عضلاتك تحديدا في (الفسفو ليبيدز – phospholipids) وبيتعمله افراز بعد ما يحصل ضغط علي العضلات من التمرين ولما يتفرز بيعمل التهاب والرياكشن دا بيحفز البناء العضلي علي أنه يبدأ يحصل، وكمان هو المسؤوال عن الأم العضلات بعد التمرين وتاني يوم ولما تبطل فتره وترجع تلعب تاني بيكون اتعمله تخزين بشكل كبير داخل العضلات .. لذلك لما بترجع تلعب بيتعمله افراز فبيسبب الألم العضلات

لذلك مينفعش تاخد مسكنات الالم ومضادات الالتهاب بالقرب من وقت التمرين لانها هتأثر علي الرياكشن الي هيحصل وهتعمله تثبيط، الحمض الدهني دا بيكون موجود في المنتجات الحيوانيه من لحوم حمراء من الماعز والبقر والفراخ والبط والسمك زي السالمون ، المركب دا بيشتغل في جسمك كمادة اولية لتخليق مركبات كتيره مهمه جدا لصحه الجسم وللبناء العضلي زي البروستاجلاندنز، والليكوترينيز والليبوكسنز، والثرمبوكسينز، ولذالك فهو داخل ف عمليات حيويه كتيره في الجسم زي تفكيك وحرق الغذاء وعمليات تمثيل المغذيات وكمان العمليات العصبية ، وجهاز المناعه ف جسمك وحمايتك من الالتهابات كمان ليه دور في حساسيه خلايا جسمك للانسولين، وقوه عظام جسمك وصحه شرايينك وقلبك،

اكتر حاجه تهمنا كلاعيبه كمال اجسام ف المركب دا هو علاقته (بالبروستاجلاندنز – Prostaglandins)، البروستاجلاندينز هرمونات ليها دور كبير ف تغير حاله الخليه، بتروح علي الخلايا المتضرره الي حصلها (Microtears) او ضرر من تمارين الجيم،

وبعدين بتقلب حاله الخلايا دي لحاله اصلاح وكبر في الحجم عن طريق انهم يبعتو (الخلايا الساتيله – Satellite cells) الموجوده علي جدار الخلايا المتضرره دي انهم يهاجرو لداخل الخلايا المتضررة ويتبرعو بانويتهم للخليه دي او يندمجو معاهم، فالخلايا دي حاليا حجمها كبر وعدد الانويه زاد ودا هينعكس علي قوتك وشكلك

كمان الحمض الدهني دا بيخلي هرمونات كتير تشتغل بشكل افضل واقوي، زي التستوستيرون والانسولين وعامل البناء الشبية بالانسولين (IGF-1)، وطبعا اتعمل علي المركب دا دراسات كتيره منهم دراسه اتعملت ف 2016 لمده 8 اسابيع من (public library of science) ، البحث او الدراسه دي اتعملت علي لاعيبين قوة بدنيه متقدمين جدا لدرجه انهم مبيتقدموش تاني، 30 شخص اتقدمو للتجربه، و العلماء قسمو الناس دي لمجموعتين مجموعه هتاخد 1500مج من الارشدونك اسيد كل يوم ومجموعه هتاخد (بلاسيبو – placebo) او كبسوله دواء فاضيه مفيهاش حاجه 

الأشخاص دول مشيو علي برنامج من تمارين المقاومه والحديد ، ولوحظ في اخر الدراسه زيادة 4باوند من الفايبرز العضليه الصافيه وكمان زياده 21 باوند في رفعه (bench press) وزيادة في القوه في تمرين ال (leg press)، والناس الي خدت دواء فاضي مزادوش اي شئ، طبعا يفضل انك تاخد المركب دا مره الي مرتين في السنة لما يحصلك توقف للنتائج وصعوبة في زيادة الاوزان وتلاقي نفسك مش عارف تزيد في الحجم او الاوزان من تاني

تحياتي ك.محمد مصطفي