الكشف عن سايكل هرمون وتحضيري لاعب للفوز بالاولمبيا

في هذا المقال هعرفك ازاي قمت بتحضير واحد من اللاعبين والعملاء بتوعي للمنافسه علي كارت احتراف في بطولة اوستاريا برو التابعه لاتحاد ال IFPP pro للمحترفين والي تعتبر احد اصعب البطولات في العالم والحمدلله قدرنا نحصد مدليتين في فئة الكلاسيك فيزيك وفي فئة الوزن المفتوح .. فا لو مهتم تعرف سايكل الهرمون وحوارق الدهون ووالدايت وسحب الماء والتحميل وكل تفاصيل تحضرينا للبطولة تابع المقال للاخر

رحلتنا بدأت في شهر 2 سنة 2023 وقتها ك صبحي تواصل معايا علشان نبداء تحضير للبطولة الي كان متبقي عليها 7 اشهر .. وبالتالي قررنا ناخد 3 شهور ضخامة ومن ثم هيكون متبقي علي البطولة 3 شهور كمان نحضر وننشف فيهم علشان نطلع في شكل ونسبة دهونة كويسه .. طبعا خدنا شهر علي بال ما قدرنا نوفر كل شئ من المكملات والمواد المستعمله ولذلك بداية الضخامة كانت تحديد في شهر 3 وبالتالي خدنا شهر 3 و 4 و 5 ضخامة ومن ثم خدنا شهر 6 و 7 و 8 تنشيف .. طبعا ك صبحي كان عنده كتله عضلية كويسه جدا قبل ما نبداء وجيناته كانت كويسه ولكنه كان في نسبة دهون مرتفعه شوية وبالتالي انا قررت نعمل body recompostion او اعادة تهيئة للجسم بجيث نكتسب كتلة عضلية وفي نفس الوقت نخسر جزء من الدهون في فترة الضخامه ونحسن حساسية الانسولين

اول ابديت وتطور حقيقي كان في شهر 4 وزي ما انتو شايفيين كان في تطور كويس جدا في الصدر العلوي والكتف والخلفيات والسمانه وانا كنت حابب ناخد فترة طويلة في الاوفسيزون بحيث نعمل كتلة عضلية ممتازة ولكن البطولة كانت مهمه وكان لازم نحضرلها .. في الفترة دي كنا ماشيين علي 3000 سعره في ايام الراحه و4000 سعره في ايام التمرين الي كان بيصاحبها 5يونت انسولين سريع هيمالوج قبل التمرين مباشرة ومعاه شيكر فيه كل النشويات والاحماض الامينية الي محتاجينها خلال التمرين علشان ناخد قوة وطاقة وبامب رهيب .. وكمان 20 يونت انسولين طويل المفعول لانتوس بحيث يغطي كمية النشويات المستعمله خلال ايام التمرين مع 4 يونت جروث هرمون في ايام التمرين وكنا بنستعمل مركبات الخصوبه من البرجنيل والفوستيمون للحفاظ علي الخصية من الانكماش .. وايضا كنا بنستعمل ببتايد ال IGF-1 في ايام التمرين وكنا بنحقن 50ميكروجرام موضعي في العضلات الضعيفة المراد تطويرها .. وكمان كنا بناخد ببتايد اخر اسمه GHRP6 لفتح الشهية بجرعة 150ميكروجرام في ايام التمرين 

واخيرا كنا بناخد 450مج تستوسترون + 450مج ماسترون + 450مج ديكا في الاسبوع مع 50مج انادرول 3 مرات فالاسبوع وكنا بنتمرن 6 ايام في الاسبوع 

وطبعا فضلنا بنتطور بشكل قوي مرورا بشهر 5 ما شاء الله خصوصا في الظهر والصدر العلوي والكتف  

ومن ثم دخلنا في شهر 6 وحاليا بدئنا في التنشيف والتحضير للبطولة وبالتالي السعرات كان لازم تنخفض .. ايام التمرين كنا بناخد 2600 سعره .. وايام الراحه كنا بناخد 1900 سعره .. وطبعا بما ان النشويات انخفضت الانسولين البطئ تم حذفه من الخطة وكملنا علي الانسولين السريع داخل التمرين بجرعه 5يونت فقط ووقفناه قبل البطولة بفترة لان الدسم بيبقي حساس جدا للنشويات والانسولين

وتصيم سايكل الهرمون اختلف .. اصبحنا بناخد تستوسترون بروبيونات 600مج ودا استر سريع .. وزودنا الماسترون بروبيونات ايضا الي 600مج ودخلنا ترنبلون اسيتيت بجرعة 150مج في الاسبوع 

واستعملنا حوارق الدهون .. كنا بناخد 4 يونت جروث هرمون في اليوم .. معاهم 40ميكروجرام من الكلين بيترول ..  معاهم 250مج ال كارنتين حقن .. معاهم افدرين 50مج حقن .. معاهم ببتايد الفراجمنت بجرعة 250ميكروجرام

وطبعا تقدرو تلاحظو التطور مرورا بشهر 6 وطبعا كنا بتلكم بشكل دوري وكان بيتم ارسال صور ليا وفيد باك بشكل اسبوعي علشان نشوف التعديلات المناسبة ومن ثم دخلنا في شهر 7 ولسه الخسارة التدريجية في الدهون مستمره والارهاق اصبح اكثر والسعرات بتقل والكارديو بيزيد ومن ثم شهر 8 والي وصلنا فيه تقريبا لاكثر شكل مناسب وقريب من الشكل الي عاوزينه علي المسرح .. طبعا رجل اللاعب كانت اصعب منطقه واخر منطقه كان بينزل منها الدهون ولاخر فتره كانت متعبه في النزول .. واخر كام اسبوع ضفنا انفار وهيلوتستن وزودنا من مضادات الارمطه لتقليل الاستروجين 

واخيرا وصلنا لاخر اسبوع في البطولة طبعا فالمرحله دي بنوقف كل الهرمونات الي بتتاخد عن طريق الحقن ووقفنا الجروث هرمون كمان علشان احتباس الماء .. ووقفنا حوارق الدهون الحقن .. وقللنا الكارديو وخليناه مشي فقط .. وكل ا لتقليل الالتهابات والضغوطات .. ومن ثم وبدائنا التحميل وانا حبيت احمله في الماتش دا من بداية الاسبوع بنظام ال linear load واخترت التحميل بالشكل دا لانه كان دبلان من البدايه وجسمه جاهز يحمل النشويات .. وبالتالي بدائنا نحمل النشويات لمدة 3 ايام وكل يوم كنا بنزيد جرامات النشويات لغاية ما وصلنا لشكل عاوزينه ونزلنا الكارب وحاولنا نحافظ علي المستوي وسحبنا المايه قبل البطوله بيومين ويوم البطوله حملنا كارب تاني الصبح قبل الماتش وبس كده دي كانت الخطه 

وطبعا لما ببص علي التحضيره دلوقتي بلاقي ان في حاجات كتير كان ممكن تتعمل بشكل احسن ولكن التحضيره دي اتعملت في اول السنه وانا اكيد تطورت كتير في تحضير اللاعبين خلال السنه دي ..