هل الأشوجندا لرفع التستوستيرون والخصوبة وتقليل الاجهاد الكورتيزول..؟؟

هل الأشوجندا هتخليك حصان ولا هتجيبلك اكتئاب..؟؟ 

هل الاشوجندا محفز للتستوسترون ام قاتل للسعادة..؟؟

 

لو بتعاني من القلق والاجهاد وقلة التركيز .. او لو بتعاني من انخفاض الرغبة الجنسية والهرمونات الذكورية والانتصاب .. او لو بتحاول تفهم فوائد واضرار وجرعات الاشوجندا فالفيديو دا اتعمل مخصوص علشانك .. 

 

السلام عليكم .. تقديم بيا وبكتبي 

 

انتشر في الفترة الاخيره دي استخدام عشبة الاشوجندا بشكل رهيب من الشباب الي بتروح الجيم والناس الي عاوزين يزودو من قدراتهم في السرير والشباب الي عاوزين يزودو من قدرات الحفظ والتركيز والانتباه وطبعا كله بيتسخدم العشبة دي بدون فهم بيعة عملها وهنا يجي دوري 

في كتابي اوفردوز دماغ انا صنفت الاشوجندا في عائلة الادابتوجينات .. او بالعربي مولدات التأقلم .. والمواد دي تسميتها جايه من كلمة “adaptaion” او تأقلم .. فنفهم من كده انها بتساعد الجسم يتأقلم مع الضغوطات .. سواء كانت الضغوطات دي نفسية او عصبيه او ضغوطات بدنيه والي بتحصل من تمارين المقاومه والجيم والجهد البدني .. والسبب في الضغوطات دي هو الكورتيزول

 

الاشوجندا بيتم استخدامها من اكتر من 4000 سنه في الهند في طب الأيورفيدا.. وكلمة اشوجندا اصلا معناها بالهندي “رائحة الحصان” ودا بسبب رائحتها الشبيهه بالاحصنه وكمان بيرمز لقدرتها القوية في جعلك تمتع بالقوة والقدرة زي الحصان 

 

خصائص الاشوجندا راجعه لاحتوائها علي مادة فعاله اسمها “Withania somnifera” .. والماده دي بتحتوي علي كيميائيات نباتية بنسميها “Phytochemical” واهمهم هي مادة ال “withanolides” .. ونبتة الاشوجندا شكلها مشابه جدا للحرنكش الي كنا بنشتريه زمان واحنا خارجين من المدرسه .. 

 

خلينا نتكلم بقي عن فوائد وخصائص العشبه دي .. 

 

الاشوجندا بتقدر تزود من تواجد نسب هرمون التسوسترون والاستروجين كمان عن طريق زيادة هرمون اسمه “DHEA” والهرمون دا بيتم تحويله في الجسم بعد كده الي تستوسترون في جسم الرجل او استروجين في جسم الست

 

الاشوجندا بتقدر تحارب الاجهاد الكظري وترفع من عمليات الايض والحرق في الجسم عن طريق تحفيز افراز هرمونات الغده الدرقيه وتقليل الكورتيزول 

 

الاشوجندا بتقدر تزود من الانتصاب عن طريق تحفيز افراز اوكسيد النتيرك والي مسوؤل عن ضخ الدم للعضو الذكري .. وكمان عن طريق تحفيز افراز هرمونات الغده النخاميه وهما LH/FSH

 

الاشوجندا بتقدر تزود من كثافة مستقبلات ناقل عصبي اسمه جابا في الدماغ.. والناقل العصبي دا مسوؤل عن الإحساس بالسكون والهدوء ومسوؤل عن تثبيط الجهاز العصبي ومسكنات الاعصاب نفسها بتشتغل علي تفعيل الناقل العصبي دا زي الجابتن والليرولين كمثال

 

الاشوجندا بتقدر تعدل علي هرمون الكورتيزول ودا الهرمون المرتبط بالقلق والاجهاد والتعب .. ولو عالي اوي فالاشوجندا هتنزله للمستوي الطبيعي .. ولو واطي اوي فهترجعه للمستوي الطبيعي برده .. واحنا مش عاوزين نصفر هرمون الكورتيزول لانه ليه خصائص مهمه في قمع الالتهابات في الجسم وتظبيط الجهاز المناعي كمان

 

الاشوجندا بتقدر ترفع من قدرتك علي الانتباه والحفظ والتركيز بسبب قدرتها علي زيادة تواجد ناقل عصبي اسمه اسيتيل كولين ودا بيحصل عن طريق قمع انزيم اسمه “acetylcholinesterase” والانزيم دا هو المسؤل عن تكسير الاسيتيل كولين في الدماغ 

 

لو جيت تشتري اي مكمل اشوجندا هتلاقي ان المكمل دا اتعمل من واحده من المواد الاتيه : 

1- مادة “ksm 66”

2- مادة “shoden”

3- مادة “sensoril”

 

فعاوزك تخلي بالك كويس جدا وانتا بتشتري مكمل الاشوجدندا لان في شركات بتغش المكملات دي وبتحط اشكال رديئه جدا من مستخلص الاشوجندا .. فعاوزك تتفادئ نهائيا اي مكمل اشوجندا بيستخدم مادة ال “sensoril” وتشتري فقط مكمل بيحتوي علي ال “ksm 66” او ال “shoden” .. وانا بفضل عن نفسي وعن تجربة ال “ksm 66” 

 

اخيرا خلينا نتكلم عن جرعات العشبه دي .. بالنسبالي انا جربت كل الجرعات بداية من 300مج فاليوم الي 1300مج في اليوم .. والحقيقه اني من بعد ال 900مج بداءت اشعر باالاكتئاب والبرود .. ومشاعري ناحية الناس بقت شبه منعدمه ومبقتش طايق حد ولا عاوز اتكلم مع حد وشبه بكره كل الناس .. والجرعه الي كانت مناسبه ليا هي 300مج الي 600مج كحد اقصي وباخدها قبل النوم فقط .. ودا لاني عاوز يكون عندي نسب كورتيزول عاليه الصبح